2 jaꞌton ebꞌ tol naꞌan cꞌal spenail yu; asan jowal chi snaꞌ ebꞌ junjun cꞌu.

3 Jaꞌ skꞌane ebꞌ chi yalaꞌ, laan jaxca svenenoal stiꞌ noꞌ labꞌa, laan skꞌane ebꞌ jaxca svenenoal stiꞌ noꞌ xutx labꞌa.

4 Jaach Jehová jin Diosal, col jin el yul skꞌabꞌ ebꞌ pena snaꞌbꞌal, jaꞌton ebꞌ chi naꞌon tzet chi yun weyqꞌueyi.

5 Jaꞌ ebꞌ ánima chi yiꞌa can sbꞌa, jix yaey yaal ebꞌ yul jin bꞌe.

6 Yu jun tuꞌ, jix walon ey jaach jaxca tiꞌ: Jaach jin Diosal, abꞌ tzet chi wal yin jin txa yet chi walon jin bꞌa ey jaach.

7 Jaach Jehová jin Diosal, Waawil jaach, jin Colomal jaach, yutol chi cꞌal skeꞌ ja wu, jaach ton chin ja colel xol jowal.

8-9 Jaach Jehová jin Diosal, cꞌam ojabꞌ cha wakꞌ yochwan ebꞌ penawom, cꞌam ojabꞌ chi eloc jaxca tzet chi snaꞌ ebꞌ tuꞌ, yet watxꞌ cꞌam chi smeyne sbꞌa ebꞌ. Eyqꞌuey ojabꞌ yibꞌan ebꞌ chi oc joyan win yu jantaj tzetyetal chi snaꞌ ebꞌ win.

10 Eyqꞌuey ojabꞌ stzakꞌakꞌ tol cajxeinaj yeoc skꞌakꞌal yibꞌan ebꞌ, kꞌojle ojabꞌtoj ebꞌ xol kꞌakꞌ. Toj ojabꞌ ebꞌ yul-laj jolan xabꞌ, bꞌey cꞌamxa chi skeꞌ yatej ebꞌ.

11 Qꞌuey ojabꞌ can el ebꞌ alom pena kꞌane sat txꞌotxꞌ txꞌotxꞌ tiꞌ; tzajlo ojabꞌ spenail yintaj ebꞌ chi smeyne sbꞌa, catuꞌ chi qꞌueyle el ebꞌ.

12 Wotaj jain tiꞌ tol jaach cha waꞌne yeoc skꞌane ebꞌ mebꞌa, catuꞌ cha colon el ebꞌ chi etnele yu yet animail.

13 Jaꞌ ebꞌ ánima watxꞌ snaꞌbꞌal, oj yal watxꞌ kꞌane ebꞌ ja win. Jaꞌ ebꞌ ánima watxꞌ sbꞌeybꞌal, oj eecꞌal ecꞌ ebꞌ ja sattaj.