2 Oj jin ey kaan ey jaach bꞌey yetcꞌulal ja templo tol ja wet yeocoj, yu walon yu diosalil ey jaach yu ja camcꞌulal cꞌal yu ja watxꞌil, yutol miman yeloc apnoj ja bꞌi yetoj ja kꞌane yibꞌan masanil jantaj tzetyetal.

3 Jaꞌ yet jix walon jin bꞌa ey jaach, jix jaach takꞌwi ey jin, catuꞌ jix ja wakꞌon jin tecꞌanil yet chi oc wip.

4 Masanil ebꞌ rey yul yibꞌankꞌinal tiꞌ, oj yal watxꞌ kꞌane ebꞌ ey jaach yet oj yabꞌen ja kꞌane ebꞌ.

5 Oj yal watxꞌ kꞌane ebꞌ ey jaach yu tzetyetal tuxa jix ja wunne, yutol miman ja weloc apnoj.

6 Caxcꞌal miman ja weloc apnoj, caw chach oc cꞌal tꞌanan yin ebꞌ yeynajil ánima, jal pax ebꞌ chi smeyne sbꞌa xin, naat ta chach tit tꞌanan yin ebꞌ.

7 Jaꞌ yet ey jin ecꞌ xol tzet ey smey, iquis jin cꞌal ecꞌ ja wu; cha waontej ja wipalil win, catuꞌ chin ja colon el tet sjowal scꞌul ebꞌ chi jowi oc win.

8 Oj jaach oc cꞌal wetoj, yet watxꞌ, watxꞌ cꞌal chin eloc yin tzet cha naꞌ win. Jaꞌ ja camcꞌulal ey cꞌal ecꞌoj. Jaꞌ tzetyetal jix el yich ja wunen win, cꞌam ojabꞌ chi cancan tucanoj.