2 Jix cu tꞌunbꞌa a cu arpa yinlaj teꞌ tzoꞌotz ey stiꞌlaj jaꞌ jaꞌ.

3 Jaꞌ ebꞌ jix cu iꞌon bꞌey jaxca presowomal, jix yal ebꞌ ey jon jaxca tiꞌ: Bꞌitnanwej yin tzalacꞌulal, jaꞌ ojabꞌ sbꞌital Sión che bꞌitne, ẍi ebꞌ ey jon.

4 ¿Tumi oj cu bꞌitne bꞌit tet Jehová bꞌey junoj txꞌoj conobꞌal? cu chi tet ebꞌ.

5 Ta chi too qꞌueycꞌulal Jerusalén tiꞌ wu, watxꞌ mi tol chi sicbꞌi el jin watxꞌ kꞌabꞌ, yet watxꞌ cꞌamxa chi skeꞌ jin tenon teꞌ jin arpa.

6 Can ojabꞌ lakꞌan wakꞌ yin jin pikꞌom, yet watxꞌ cꞌamxa chin bꞌitni, ta tol manxa naꞌanoj Jerusalén tiꞌ wu, ta cꞌam chi woche Jerusalén tuꞌ yintaj masanil tzetyetal tol chi yoche jin cꞌul.

7 Jaach Jehová jin Diosal, naꞌtej ebꞌ a Edom, tol jaꞌ yet jix eyqꞌuey Jerusalén, jix yalon ebꞌ jaxca tiꞌ: ¡Uchwej ey masanil, uchwej eyoj, masantaꞌcꞌal chi txeclo bꞌey eey yich xeꞌ! ẍi ebꞌ.

8 Jex a Babilonia, tuxa wal oj jex qꞌueyle eloj. Caw watxꞌ yet mactxequel chi aon ecꞌ spaj ey jex yutol jix jon je yetne jon.

9 Tzalacꞌulal yet mac chi mitxꞌon ey ebꞌ je yuninal, catuꞌ chi skꞌojon poꞌo ebꞌ yinlaj chꞌen.