2 Manxa jantajoj syaꞌilal jix yaoc ebꞌ jin cajat wibꞌan, asan xin, ma cꞌaltaꞌ tzaji ebꞌ tuꞌ ey jin.

3 Jix yasitoj wichin smakꞌon ebꞌ, txolili xacꞌal yeoc yechel wichin bꞌey jix jin makꞌle yu ebꞌ jaxca yili xolil bꞌey chi awle ey awo yu junoj kꞌuom txꞌotxꞌ.

4 Jal Jehová xin, caw watxꞌ ton snaꞌbꞌal, jaꞌ Naj jix jin colon el yul skꞌabꞌ ebꞌ pena snaꞌbꞌal.

5 El ojabꞌ sqꞌuixwil ebꞌ, el ojabꞌ a ebꞌ chi jowi oc yin conobꞌ Sión.

6 Laan ojabꞌ chi yun can el ebꞌ jaxca an chꞌim chi chꞌibꞌ yibꞌanlaj na; jaꞌ yet cꞌamto chi jocꞌle atej an, catuꞌ chi tajel an.

7 Jaꞌ wan cꞌultaj tuꞌ, cꞌam chi skeꞌ cu yambꞌan yul cu kꞌabꞌ, tam wal chi skeꞌ skꞌal-le ey an yin stopanil.

8 Tumi taꞌ jaꞌ yet chi ecꞌtoj junoj ánima, catuꞌ chi yalon tet an jaxca tiꞌ: Yakꞌ ojabꞌ syaaxilal Jehová ja wibꞌan, yin sbꞌi Dios chin kꞌanon syaaxilal ja wibꞌan, man ẍi oj ebꞌ tet an chꞌim tuꞌ.