Jaꞌ Tzetyetal Chi Yakꞌ Jehová
Bꞌit yet chi atoj ebꞌ Israel bꞌey Jerusalén.
128
Caw tzalacꞌulal ja wet ta jijem cha wute ja bꞌa tet Jehová,yutol cha jije masanil ẍejbꞌanil.
2 Jaꞌ yet oj elol sat tzet awbꞌil ja wu, oj jaach low yin tzalacꞌulal. Caw watxꞌ oj yun yecꞌ tiempo ja wu.
3 Jaxca wal chi yun yakꞌon sat an uva yinlaj ja na, caw miman sat chi yakꞌa, queytuꞌ yeoc ix ja wistil yul ja na. Jaxca wal swol teꞌ olivo, queytuꞌ oj yun yoc joyan ebꞌ ja wuninal yinlaj ja meẍa.
4 Queyton tuꞌ oj yun yakꞌon syaaxilal Jehová tet mactxequel tol jijem chi yute sbꞌa tet.
5 Yakꞌ ojabꞌ syaaxilal Jehová kibꞌan masantaꞌcꞌal bꞌey tzalan Sión. Oj kilwej swatxꞌcꞌulal yin Jerusalén junjun cꞌu, yajbꞌan iquis jon to ecꞌoj.
6 Oj kilwej tzet oj eloc yuninal ebꞌ kuninal yet bꞌakꞌin.
¡Ey ojabꞌ watxꞌcꞌulal kibꞌan jaon Israel jon tiꞌ!