Sbꞌit Ebꞌ Israel Yet Chi Atoj Ebꞌ Yul Sbꞌeal Jerusalén
127
Ta manaj Jehová chi waꞌnen na,naꞌbꞌacꞌal mi chi mulna ebꞌ mulnawom. Ta manaj Naj chi colwa yetoj ebꞌ chi teynen conobꞌ, naꞌbꞌacꞌal mi chi teynele yu ebꞌ eyoc steynemaloj.
2 Naꞌbꞌacꞌal mi chi yetne scꞌul ebꞌ smulna masanil cꞌu, caxcꞌal ey cꞌal oc ebꞌ yin bꞌiscꞌulal yet chi low ebꞌ, yutol jaꞌ Dios chi yakꞌ swatxꞌcꞌulal tet ebꞌ camcꞌulnebꞌil yu yet lalan swey ebꞌ.
3 Jaꞌ ebꞌ kuninal chi ali, saꞌbꞌeal Jehová yeoc ebꞌ. Jaꞌ ebꞌ kuninal chi ali yetoj kistil, syaaxilal Jehová yeoc ebꞌ yul cu kꞌabꞌ.
4 Jaꞌ ebꞌ kuninal chi ali yin kachꞌeal, jaxca wal junoj julbꞌal eyoc yul skꞌabꞌ ebꞌ akꞌom jowal, queytuꞌ yeoc ebꞌ yul cu kꞌabꞌ.
5 Tzalacꞌulal yet mactxequel ecꞌal sbꞌisil yuninal, jaxca wan julbꞌal tuꞌ. Man oj el sqꞌuixwil ebꞌ sattaj ebꞌ chi jowi oc yin ebꞌ, yet chi scolon sbꞌa ebꞌ sattaj juez.