Txa Yet Chi Kꞌanle Swatxꞌcꞌulal Dios
Bꞌit yet chi atoj ebꞌ Israel bꞌey Jerusalén.
123
Jaach Jehová jin Diosal, yaaw jaach bꞌey satcan,chin atoj tꞌanan ja win yet chin kꞌanon tzet chi yoche jin cꞌul.
2 Jaach jin Diosal, chi cu oc tꞌanan ja win jaxca chi yun yoc tꞌanan junoj naj eyoc yakꞌomaloj servil bꞌey spatrón, ma jaxca junoj ix ix eyoc yakꞌomaloj servil bꞌey junoj ix bꞌey eyoc yakꞌomaloj servil tuꞌ. Queytuꞌ chi yun cu majon yokꞌ ja cꞌul kin, jaach cu Diosal.
3 Jaach cu Diosal, okꞌ ojabꞌ ja cꞌul kin, yutol cꞌamxa chi techa ku yu ebꞌ chi cu intajnenle el tiꞌ jon.
4 Caw miman chi kabꞌ syaꞌil yu sbꞌuchwal kꞌane ebꞌ bꞌeom, catuꞌ chi cu intajne el yu ebꞌ chi smeyne sbꞌa.