Alo Watxꞌ Kꞌane Yin Jerusalén
Sbꞌit naj rey David jix sbꞌitne yet jix atoj ebꞌ Israel bꞌey Jerusalén.
122
Manxa jantajoj tzalacꞌulal yet chi yalon ebꞌ jaxca tiꞌ:¡Toonwej bꞌey scalubꞌal Jehová! ẍi ebꞌ.
2 Jaꞌ tinaniꞌ, ey jon xa ecꞌ bꞌey yul conobꞌ Jerusalén tiꞌ.
3 Jaꞌ conobꞌ Jerusalén, caw watxꞌ scawxi, junne conobꞌal yeocoj, jaꞌton bꞌey oj syambꞌa sbꞌa masanil ebꞌ ánima.
4 Jaꞌ bꞌey jun conobꞌ tiꞌ oj jul ebꞌ sconobꞌ Jehová, yet watxꞌ chi bꞌitnele sbꞌi Naj yu ebꞌ, jaxca jix yun yalon can tet ebꞌ kichmam.
5 Jaꞌ bꞌey jun conobꞌ tiꞌ ey sdespachoal bꞌey chi naꞌle oc yin ebꞌ ánima yu ebꞌ yicꞌaal naj rey David yin sjichanil.
6 Alwej yin masanil je cꞌul jaxca tiꞌ: Ey ojabꞌ watxꞌcꞌulal bꞌey Jerusalén; watxꞌcꞌulal ojabꞌ ey ebꞌ chi camcꞌulnen jun conobꞌ tiꞌ.
7 ¡Ey ojabꞌ watxꞌcꞌulal yin smuroal cꞌal bꞌey palacio bꞌey eyoctoj naj rey! je chi.
8 Yu swatxꞌiloj ebꞌ wican cꞌal ebꞌ wet conobꞌ yuxan oj wal jaxca tiꞌ: Ey ojabꞌ watxꞌcꞌulal yin jun conobꞌ tiꞌ, jin chi.
9 Yu jin camcꞌulal yin scalubꞌal Jehová cu Diosal, yuxan oj wakꞌ wip jin seyon yoc can Jerusalén yin swatxꞌil.