Jaꞌ Naj Yaaw Cu Colomal Yeocoj
Bꞌit yet chi atoj ebꞌ Israel bꞌey Jerusalén.
121
Jaꞌ yet chi wilon atoj sjolomlaj txꞌotxꞌ mimej wonan,chi walon yin jin naꞌbꞌal jaxca tiꞌ: ¿Tzet watxꞌ chi wunne yet chin colon jin bꞌa? jin chi.a
2 Jaꞌ yin Jehová chin col jin bꞌa, yutol jaꞌ Naj jix waꞌnen satcan, cꞌal txꞌotxꞌ txꞌotxꞌ tiꞌ.
3 Man oj yal scꞌul Jehová oj jaach telcꞌotoj, cꞌam bꞌey oj oc numna sweyan Naj chach teyneni.
4 Cꞌam bꞌakꞌin chi oc sweyan Naj chi cu teynen jaon Israel jon tiꞌ, yutol cꞌam chi weyi.
5 Jaꞌ Jehová chach teyneni, yutol eyecꞌ ja cꞌatan, jaꞌ Naj eyoc ja weneloj.
6 Man oj jaach tzꞌaꞌ yu skꞌakꞌal yajan cꞌu yet cꞌualil; tam wal oj jaach yetne yajan xꞌaaw yet akꞌbꞌalil.
7 Jaꞌ Jehová chach colon el tet masanil tzetyetal ey smey. Jaꞌ Naj chach colon el yul skꞌabꞌ camich.
8 Jaꞌ Jehová chach teynen yet chach eltoj, cꞌal yet chach meltzotej yul-laj bꞌe, tinaniꞌ cꞌal yin tobꞌalkꞌinal.