Txa Yet Chi Cu Kꞌanon Scolwal Dios
Bꞌit yet chi atoj ebꞌ Israel bꞌey Jerusalén.
120
Jaꞌ yet ey jin oc yin bꞌiscꞌulal,jix wawte Jehová, jix takꞌwi Naj ey jin.
2 Jaach jin Diosal, col jin el tet ebꞌ chi alon lekꞌtiꞌal kꞌane win, cꞌal tet ebꞌ chi naꞌon a kꞌane win.
3 Jex naꞌom a kꞌane ¿Tzet che naꞌ? ¿Tumi man oj yatej junoj miman syaꞌilal Dios je yibꞌan?
4 Jaꞌ tzet oj jul je yibꞌan, jaꞌton julbꞌal tol eel xaam yet ebꞌ akꞌom jowal, cꞌal stzakꞌakꞌil teꞌ cuux tol cajxeinaj yeoc skꞌakꞌal.
5 Okꞌbꞌal jin cꞌul, ecꞌabꞌwom ánima jix yun wecꞌ jayebꞌoj cꞌu yul yet txꞌotxꞌ Mésec, tol jix jin ecꞌ xol ebꞌ caan bꞌey txꞌotxꞌ Quedar.
6 Caw chin cꞌuumbꞌi yet ey jin ecꞌ xol ebꞌ ánima jowal cꞌal chi yunne.
7 Jaꞌ yet chi walon el skꞌaneal yet watxꞌcꞌulal xol ebꞌ, jaꞌ jowal chi yoche ebꞌ chi yunne.