2 Al-le ojabꞌ watxꞌ kꞌane tet Naj tinaniꞌ, cꞌal yin tobꞌalkꞌinal.

3 Bꞌitnele ojabꞌ Naj bꞌey chi aol cꞌu, cꞌal bꞌey chi too cꞌu.

4 Jaꞌ Jehová eecꞌ yibꞌan mimej conobꞌlaj. Eyecꞌ naj yetoj stzejejial yibꞌan satcan.

5 Cꞌam mactxequel laan yetoj Jehová cu Diosal. Yutol jaꞌ yibꞌan satcan eyecꞌ Naj, yet chi yakꞌon Yaawil yibꞌan masanil,

6 catuꞌ tꞌanan eytej Naj bꞌey satcan yet chi yilon eytej yul yibꞌankꞌinal tiꞌ.

7 Jaꞌ Naj chi iꞌon eltej ebꞌ mebꞌa yalan mebꞌail, chi colwa Naj yin ebꞌ cꞌam niꞌoj tzet ey yul skꞌabꞌ,

8 yet watxꞌ chi ey chotan ebꞌ xol yet animail tol miman yeloc apnoj yul sconobꞌ.

9 Jal ix ix tol man uneꞌwom ix oj, chi akꞌle stzalacꞌulal ix yu Dios, yutol chi oc ix yin txutxeal, catuꞌ chi akꞌle sna ix bꞌey chi caey ecꞌoj.

¡Al-le ojabꞌ watxꞌ kꞌane tet Jehová!