2 Jaꞌ Jehová oj akꞌon ja wopiso yet cha wakꞌon yaawilal bꞌey tzalan Sión, masantaꞌcꞌal bꞌey slawubꞌal yul yibꞌankꞌinal tiꞌ. Oj ja wakꞌ yaawil yibꞌan ebꞌ chi jowi oc ja win.

3 Jaꞌ yet oj ja wakꞌon jowal, oj jul ebꞌ conobꞌ ja cꞌatan, yu scolwa ebꞌ ja wetoj yin jowal. Jaxca wal yal akꞌbꞌal yet skꞌinibꞌalil, queytuꞌ oj yun sjul ebꞌ naj achꞌe ja cꞌatan bꞌey txꞌotxꞌ tzalan yet eyilal.

4 Jix yakꞌ stiꞌ Jehová, tol cꞌam bꞌakꞌin oj sqꞌuex tzet chi yalaꞌ; yutol yalnaj can jaxca tiꞌ: Yakꞌomal jaach xaambꞌal, jaxca yopiso naj Melquisedec, ẍi Dios.

5 Jaꞌ Jehová eyecꞌ bꞌey ja watxꞌ kꞌabꞌ. Jaꞌ yet oj jul scꞌual stit sjowal scꞌul, oj akꞌle lawoj yopiso ebꞌ rey yu Naj.

6 Oj ale oc syaꞌilal yin ebꞌ mimej conobꞌ yu, oj cam ebꞌ ánima, yin xacꞌal junjun mimej bꞌulan oj yun scam ebꞌ ánima yu Naj. Oj qꞌueyle el ebꞌ yaaw bꞌey yul yibꞌankꞌinal tiꞌ yu Naj.

7 Jaꞌ yul-laj bꞌe oj yucꞌ jaꞌ naj rey, catuꞌ oj oc can yip naj yu jaꞌ.