2 Chi yoche jin cꞌul chin bꞌeybꞌalne sjichanil. ¿Bꞌakꞌin oj jaach jul jin cꞌatan? Chi yoche jin cꞌul cꞌam niꞌoj spenail oj al-le yin jin bꞌeybꞌal, tam wal bꞌey jin na.

3 Cꞌam bꞌakꞌin oj waoc jin sat yin pena naꞌbꞌale.

Cꞌam chi woche chin bꞌeybꞌalne sbꞌeybꞌal ebꞌ chach intajne can eloj. Cꞌam bꞌakꞌin tol junne oj jin ecꞌ yetoj ebꞌ.

4 Naat tacꞌal oj wiꞌ can el spenail yin jin naꞌbꞌal, cꞌam chi yal jin cꞌul chin bꞌeybꞌalne spenail.

5 Oj jin tenchane ebꞌ chi yal skꞌumal yet animail yin ewantajil. Man oj wakꞌ techa ebꞌ chi smimanbꞌane sbꞌa.

6 Oj wil mactxequel ebꞌ jijem chi yute sbꞌa ey jaach, jaꞌton ebꞌ tuꞌ oj waoc yin yopiso wetoj. Asanne ebꞌ watxꞌ sbꞌeybꞌal oj oc jin chejabꞌoj.

7 Ma skeꞌ yoc ebꞌ etnem ánima bꞌey jin na, ma skeꞌ yoc junoj ebꞌ naꞌom a kꞌane jin sattaj.

8 Junjun cꞌal cꞌu oj wakꞌ qꞌueyle el ebꞌ penawom caan sat txꞌotxꞌ txꞌotxꞌ tiꞌ, oj wakꞌ lawoj el masanil ebꞌ chi unen spenail yul ja conobꞌ tiꞌ.