Jaꞌ Jehová Jix Cu Waꞌneni
Bꞌit yin alo yu diosalil tet Jehová
100
Je masanil jex caan bꞌey sat txꞌotxꞌ txꞌotxꞌ tiꞌ,bꞌitnanwej tet Dios yin tzalacꞌulal.
2 Kiꞌwej ey cu bꞌa tet Jehová yin tzalacꞌulal. Yelcꞌulal ojabꞌ chi el kaw cu bꞌitnen sbꞌi Naj yin tzalacꞌulal.
3 Chi cam je yotajne eloj, tol jaꞌ Jehová, Dios toni. Jaꞌ jix cu waꞌneni, yet jon, sconobꞌ jon, jaxca tol smeꞌ jon Naj, yuxan teynebꞌil jon yu.
4 Ocojonwej bꞌey spuertail stemplo Dios, yet chi kalon yu Diosalil tet. Bꞌitnojonwej yet chi kalon cu watxꞌ kꞌane tet. Kalwej yu diosalil tet Naj, yet chi cu jul sattaj yamakꞌil stemplo Dios, yu kalon watxꞌ kꞌane tet.
5 Yutol caw chi okꞌ scꞌul Jehová kin; jaꞌ scamcꞌulal cꞌam bꞌakꞌin chi lawi. Chi yun cꞌal tzet yalnaj can ey jon.