2 Joyan oc kꞌejin asun yinlaj. Caw jichan cꞌal chi yute swaꞌnen yeoc masanil tzetyetal, yutol caw miman yeloc apnoj.

3 Bꞌabꞌel stoo jun kꞌakꞌ sattaj Naj, catuꞌ chi tzꞌaꞌtoj masanil ebꞌ chi jowi oc yin.

4 Caw chi sajbꞌi el yul yibꞌankꞌinal tiꞌ yu yet chi makꞌwa cꞌu, catuꞌ chi bꞌilwi a txꞌotxꞌ txꞌotxꞌ tiꞌ yu.

5 Chi ulitoj wan mimej wonan yu Jehová, jaxca chi yun yulitoj noꞌ ixcabꞌ, yutol yaaw Naj yibꞌan masanil txꞌotxꞌ txꞌotxꞌ tiꞌ.

6 Jaꞌ satcan chi txꞌoxon el swatxꞌilal Dios, jaxa stzejejial chi yil masanil ebꞌ conobꞌ.

7 Qꞌuixwoj ojabꞌ can a ebꞌ chi oc yin eyilal tet echele, ebꞌ chi smeyne sbꞌa yetoj wan comon dios. Yutol masanil wan comon dios oj yiꞌey sbꞌa ebꞌ sattaj Jehová.

8 Jaach Jehová jin Diosal, jaꞌ ebꞌ a Sión, cꞌal conobꞌ Judá, oj tzala a ebꞌ yet oj yabꞌen oc ebꞌ tol watxꞌ cꞌal chi yun ja pajtzen tet junoj mactxequel.

9 Jaach jin Diosal, Jaach tol Jaxa Cꞌal Ocoj. Yaaw jaach yibꞌan masanil txꞌotxꞌ txꞌotxꞌ tiꞌ. Ecꞌbꞌan yeoc ja wipal yintaj masanil wan comon dios.

10 Jantaj jon chi cu camcꞌulne Jehová, cu bꞌejwej can spenail yin junelne; yutol chi teynele ebꞌ jijem chi yute sbꞌa tet. Chi col-le el ebꞌ yul skꞌabꞌ ebꞌ penawom.

11 Jaꞌ ebꞌ ánima watxꞌ snaꞌbꞌal laan ebꞌ jaxca junoj tzejtebꞌal tol chi chaw skꞌakꞌal, catuꞌ ey cꞌal tzalacꞌulal snan xol ebꞌ eyoc yin sjichanil.

12 ¡Je masanil jex ánima tol watxꞌ je naꞌbꞌal, kakꞌwej tzalabꞌoj cu cꞌul yin Jehová, catuꞌ chi kalonwej watxꞌ kꞌane tet Naj!