2 Ocojonwej sattaj Jehová yin kalon yu diosalil tet, catuꞌ chi cu bꞌitnewej bꞌit yu smimanbꞌilal.

3 Yutol jaꞌ Jehová caw miman yeloc apnoj, Rey yeoc yibꞌan ebꞌ comon dios.

4 Jaꞌ yul skꞌabꞌ Naj eyoc wan mimej jolan xabꞌ naat yich, yetoj wan mimej wonan naat yea steel.

5 Jaꞌ Naj ey yet jaꞌ mar, yutol jaꞌ jix waꞌnen yetoj yipal. Jaꞌ Naj jix waꞌnen cꞌal pax txꞌotxꞌ txꞌotxꞌ tiꞌ.

6 Titanwej, ocojonwej yin eyilal tet, eyojonwej kaan sattaj Jehová yet chi kiꞌon ey cu bꞌa tet; yutol jaꞌton Naj jix cu waꞌneni.

7 Jaꞌton Naj cu Diosal; jal jon jaon tiꞌ, sconobꞌ jon Naj. Jaxca tol smeꞌ Naj keocoj, yuxan teynebꞌil jon yu.

Chi yal Dios jaxca tiꞌ: Ta che yabꞌ tzet chi wal tinaniꞌ,

8 cꞌam ojabꞌ che pitnewej je bꞌa jaxca jix yun ebꞌ je yichmam bꞌey Meribá, ma jaxca jix yun ebꞌ bꞌey Masah bꞌey txꞌotxꞌ cusiltaj txꞌotxꞌ.

9 Jaꞌ yet tuꞌ, jix jin yakꞌ wal porobꞌal ebꞌ je yichmam tuꞌ, caxcꞌal mi jix yil ebꞌ jantaj tzet qꞌueyubꞌtaj yili tzet jix wunne.

10 Cawinaj abꞌil caw jow wutenaj jin bꞌa tet, jix walon jaxca tiꞌ: Jaꞌ wan ánima tiꞌ txꞌoj cꞌal bꞌey eyoc snaꞌbꞌal ebꞌ. ¡Ma naꞌcha el yu ebꞌ tzet chi woche chi sbꞌeybꞌalne ebꞌ! jin chi.

11 Yu jun tuꞌ, yetoj sjowal jin cꞌul jix wakꞌon jin tiꞌ tet ebꞌ: Tol cꞌam bꞌakꞌin oj apnoj oc ebꞌ xew bꞌey jun txꞌotxꞌ oj wakꞌ tet ebꞌ, ẍi Dios.