Chi Al-le Watxꞌ Kꞌane Yin Jerusalén
Jaꞌ sbꞌit ebꞌ yicꞌaal naj Coré
87
Jaꞌ yipomal xeꞌ sconobꞌ Dios,jatuꞌ ey bꞌey txꞌotxꞌ tzalan bꞌey chi oc eyilal.
2 Yel xacꞌal chi camcꞌulnele conobꞌ Sión yu Jehová yintaj wanxa sconobꞌ ebꞌ yicꞌaal Jacob.
3 Manxa jantajoj swatxꞌil yili sconobꞌ Dios, Jantajxa swatxꞌil yoc kꞌane chi al-le yin.
4 Jaꞌ Jehová chi alon jaxca tiꞌ: Jaꞌjun ebꞌ a Egipto, cꞌal ebꞌ a Babilonia xol ebꞌ conobꞌ chi oc yin eyilal ey jin. Jaxca wal ebꞌ alinaj bꞌey Sión queytuꞌ oj yun ebꞌ Filisteo, ebꞌ a Tiro, cꞌal ebꞌ a Etiopía, ẍi Dios.
5 Jaꞌ yin conobꞌ Sión oj al-le yin jaxca tiꞌ: Jaꞌ jun tiꞌ, yetoj junxa tuꞌ, jix ali ebꞌ bꞌey Sión. Jaꞌ Naj Tol Jaxa Cꞌal Ocoj, oj cam swaꞌnen oc sconobꞌ tiꞌ, ẍi.
6 Jaꞌ yet oj tzꞌibꞌele ey sbꞌi ebꞌ ánima yul junjun conobꞌ yul an juun yu Jehová, oj stzꞌibꞌe ey jaxca tiꞌ: Jaꞌ bꞌey Sión jix ali jun tiꞌ, ẍi.
7 Jaꞌ ebꞌ caan bꞌey Sión oj bꞌitnoj ebꞌ, oj a tꞌujna ebꞌ yu tzalacꞌulal, oj yalon ebꞌ jaxca tiꞌ: Jaꞌ bꞌey Sión chi tit masanil swatxꞌcꞌulal Dios kibꞌan, ẍi ebꞌ.