2 ¿Bꞌakꞌin oj je bꞌejcan jun je pena bꞌeybꞌal tuꞌ, yutol yin lekꞌtiꞌal cꞌal chi yun je waꞌnen yeoc junoj kꞌane, catuꞌ che yaon oc je bꞌa yetoj ebꞌ chi unen spenail?

3 Jaꞌ tiꞌ je yet, tol smoo yin sjichanil chi yun je waꞌnen yeoc ebꞌ yeynajil ánima, cꞌal ebꞌ mebꞌa, cꞌal ebꞌ unin camnajxa smam xutx. Watxꞌ ojabꞌ chi yun je waꞌnen yeoc ebꞌ ey scuscꞌulal, cꞌal ebꞌ mebꞌa.

4 Colwej el ebꞌ cꞌam yip cꞌal ebꞌ mebꞌa, yul skꞌabꞌ ebꞌ pena snaꞌbꞌal.

5 Jaex tiꞌ, man je yotaj oj; cꞌam chi naꞌcha el niꞌoj je yu. Jaxca tol xol kꞌejkꞌinal chex bꞌeyecꞌoj, yu jun tuꞌ, yuxan lalan yetex el snaꞌbꞌal ebꞌ ánima bꞌey yul yibꞌankꞌinal tiꞌ je yu.

6 Jix walaꞌ tol dios jex jaex tiꞌ, tol yuninal jex Naj Tol Jaxa Cꞌal Ocoj.

7 Jaxa tinaniꞌ xin, oj jex camoj, jaxca chi yun scam masanil ebꞌ ánima, oj jex eyqꞌuey jaxca chi yun yeyqꞌuey wanxa ebꞌ yaaw, ẍi Dios.

8 Jaach cu Diosal, titan yet chi jul ja waꞌnen yeoc ebꞌ ánima caan sat txꞌotxꞌ txꞌotxꞌ tiꞌ. Yutol jaach ey ja wet masanil nación bꞌey yul yibꞌankꞌinal tiꞌ.