Jaꞌ Dios Eyoc Reyalil Bꞌey Masanil Txꞌotxꞌ Txꞌotxꞌ Tiꞌ
Jaꞌ sbꞌit ebꞌ yicꞌaal naj Coré
47
¡Tzakꞌoꞌtanewej je kꞌabꞌ je masanil jex conobꞌlaj!¡Jex conobꞌ, el ojabꞌ je yaw yin tzalacꞌulal tet Dios!
2 Yutol jaꞌ Jehová, Naj Tol Jaxa Cꞌal Ocoj, caw ey smey, jaꞌton Naj Yaaw yibꞌan masanil txꞌotxꞌ txꞌotxꞌ tiꞌ.
3 Jaꞌ Naj jix aon oc wan conobꞌ tuꞌ yul cu kꞌabꞌ, yet watxꞌ chi kakꞌ yaawil yibꞌan ebꞌ.
4 Jaꞌ jix sicꞌon el txꞌotxꞌ txꞌotxꞌ tiꞌ, jix yaon can yul cu kꞌabꞌ jaon yicꞌaal jon Jacob tiꞌ, yutol camcꞌulnebꞌil jon yu Dios.
5 Jaꞌ yet jix atoj Jehová bꞌey sdespacho, jix oc mimej aw yet tzalacꞌulal cꞌal xuꞌle chꞌen trompeta.
6 ¡Bꞌitnojonwej, bꞌitnojonwej tet Dios! ¡Cu bꞌitnewej sbꞌi cu Diosal, cu bꞌitnewej Naj cu Reyal!
7 ¡Cu bꞌitnewej yu kalon yu diosal tet Dios, yutol Yaaw yeoc Naj yibꞌan masanil txꞌotxꞌ txꞌotxꞌ tiꞌ!
8 Jaꞌ Dios chi yakꞌ Yaawilal bꞌey masanil conobꞌlaj. Chotan ey Dios bꞌey sdespacho, yutol asanne Naj ey yet.
9 Jix syambꞌa oc sbꞌa ebꞌ miman yeloc apnoj yin yopiso bꞌey junjun conobꞌ, jix oc ebꞌ cu tzꞌajiloj jaon sconobꞌ xa sDiosal cu mam icham Abraham.
10 Jaꞌ Dios chi aon oc ebꞌ yaaw yin yopiso bꞌey yul yibꞌankꞌinal tiꞌ. Jaꞌ Naj miman yeloc apnoj yintaj masanil tzetyetal.