2 Yu jun tuꞌ, yuxan cꞌam chi cu xiwi. Caxcꞌal mi chi tzicoꞌtanele txꞌotxꞌ txꞌotxꞌ tiꞌ, catuꞌ chi paxey txꞌotxꞌ mimej wonan yich jaꞌ mar,

3 caxcꞌal mi chi bꞌilwi jaꞌ mar, catuꞌ chi a chulna sat jaꞌ, caxcꞌal mi chi tzicoꞌtanele txꞌotxꞌ wonan yu sjowal jaꞌ, cꞌam cꞌaltaꞌ bꞌey chi cu xiwi.

4 Ey jun jaꞌ miman jaꞌ chi bꞌeyi, jaꞌ chi akꞌon tzalabꞌoj scꞌul ebꞌ caan bꞌey sconobꞌ Dios, jaꞌton scalubꞌal Jehová, Naj Tol Jaxa Cꞌal Ocoj.

5 Ey cꞌal ecꞌ Dios snan xol jun conobꞌ tuꞌ, yuxan cꞌam bꞌey chi bꞌilwi. Jaꞌ Dios chi oc yetoj yet chi kꞌinibꞌi a junjun cꞌu.

6 Oj el yaw mimej conobꞌ yu jowal, oj a bꞌulna ebꞌ mimej nación yu xiwcꞌulal. Oj ulojtoj txꞌotxꞌ txꞌotxꞌ yet oj abꞌle yoc yul snukꞌ Dios.

7 Jaꞌ Jehová Naj Yaaw yin masanil eyecꞌ ketoj. Jaꞌton sDiosal kichmam Jacob, jaꞌ ey cꞌal pax oc keneloj.

8 Titanwej, ilwej jantaj tzet qꞌueyubꞌtaj jix yun Jehová, yet jix sqꞌueyon el masanil tzet ey sat txꞌotxꞌ txꞌotxꞌ tiꞌ.

9 Jaꞌ chi akꞌon lawoj ey jowal, masantaꞌcꞌal bꞌey slawubꞌ yul yibꞌankꞌinal tiꞌ. Jix kꞌacantoj sjulbꞌal ebꞌ akꞌom jowal yu Naj. Kocꞌ xacꞌal jix yun cantoj chꞌen lanza yu. Jix snusoncantoj carruaje yet jowal.

10 Chi yalon Dios tet ebꞌ conobꞌlaj jaxca tiꞌ: Tzꞌin ojabꞌ xacꞌal je chi. Otajnewej eloj tol jain ton Dios jin. Oj al-le el jin mimanbꞌilal xol masanil nacionlaj bꞌey sat txꞌotxꞌ txꞌotxꞌ tiꞌ, ẍi Dios.

11 ¡Jaꞌ Jehová Naj Yaaw yin masanil jaꞌ eyecꞌ ketoj! ¡Jaꞌton sDiosal kichmam Jacob, jaꞌ eyoc keneloj!