43
Jaach jin Diosal, naꞌoc win,catuꞌ cha waloni tol cꞌam jin penail. Ocan wetoj, col jin tet wan ánima cꞌam Dios yul sat. Col jin el tet ebꞌ naꞌom a kꞌane, cꞌal tet ebꞌ pena sbꞌeybꞌal.
2 Jaach jin Diosal, jin Colomal jaach, ¿tzet yu, yuxan naat chin ja wiꞌel ja sattaj? ¿Tzet yu, yuxan cusiltaj jin cꞌul chin ecꞌabꞌi, catuꞌ chi yakꞌon cus jin cꞌul ebꞌ chi jowi oc win?
3 Aeytej ja sajkꞌinal ey jin, cꞌal ja watxꞌilal, yet watxꞌ chin xꞌoxtoj yul sbꞌeal txꞌotxꞌ tzalan yet eyilal bꞌey caan jaach ecꞌoj.
4 Jaach jin Diosal, oj jin apnoj oc bꞌey jun yet xaambꞌal tuꞌ; jaꞌ tituꞌ oj jin bꞌitnoj ey jaach yin tzalacꞌulal yetoj arpa, yutol cha wakꞌ jin tzalacꞌulal.
5 ¿Tzet yu, yuxan chi jul jin bꞌiscꞌulal? ¿Tzet yu, yuxan chi somcha el jin naꞌbꞌal? Jaꞌ Dios eyoc yipoj jin cꞌul, yuxan oj wal jin watxꞌ kꞌane tet Naj, jaꞌ Naj jin Colomal, jin Diosal yeocoj.