2 Alwej watxꞌ kꞌane tet Jehová, yutol smoo ton yal-le yin. Ocanwej yin eyilal tet bꞌey yul snail yet eyilal.

3 Chi abꞌle yul snukꞌ Jehová yibꞌan jaꞌ mar. Jaꞌ Dios mimanbꞌanebꞌil jaꞌ chi akꞌon bꞌilwoj yibꞌan jaꞌ mar.

4 Manxa jantajoj yipalil chi yun kabꞌen yel yaw yul snukꞌ Jehová, caw chi qꞌueya cu cꞌul kabꞌeni.

5 Kocꞌ xacꞌal chi yuntoj teꞌ kꞌuteꞌ yu yipal yel yaw. Yu Naj yuxan chi poꞌotoj teꞌ kꞌuteꞌ bꞌey Líbano.

6 Chi yakꞌon bꞌilwoj txꞌotxꞌ wonan yul yet Líbano, cꞌal wonan Hermón; chi yiꞌa tꞌujlabꞌoj jaxca noꞌ achꞌe wacax.

7 Jaꞌ yet chi el yaw Jehová, caw chi eltej letzꞌlom yul stiꞌ.

8 Jaꞌ yul snukꞌ Jehová chi akꞌon bꞌilwoj a txꞌotxꞌ cusiltaj txꞌotxꞌ, chi yakꞌon bꞌilwoj txꞌotxꞌ cusiltaj txꞌotxꞌ yul yet Cadés.

9 Jaꞌ yul snukꞌ Jehová chi makꞌon kꞌatoj skꞌabꞌlaj teꞌ maatxꞌ, asanxane skꞌoal teꞌ chi cancan satlaj pakꞌan. Jaxa bꞌey stemplo chi al-le watxꞌ kꞌane tet yu ebꞌ ánima.

10 Jaꞌ Jehová yaawil yeoc yibꞌan jow yaax nabꞌ chi mujchatoj jantaj tzetyetal yu. Yaaw ton yeoc Naj.

11 Jaꞌ Naj chi akꞌon yip ebꞌ sconobꞌ. Yu scamcꞌulal, yuxan chi yakꞌ swatxꞌcꞌulal kibꞌan jaon sconobꞌ jon xa tiꞌ.