2 Jaach jin Diosal, sey il jin naꞌbꞌal cꞌal jin pixan.

3 Yutol cꞌam bꞌey chi too qꞌueycꞌulal ja camcꞌulal wu, catuꞌ jijem jin cꞌal ey jaach.

4 Cꞌam juneloj chin ecꞌ yetoj ebꞌ chi etnen ánima, cꞌam bꞌey junne chin ecꞌ yetoj ebꞌ caabꞌ sat chi yute sbꞌa.

5 Cꞌam chi woche chin oc xol syambꞌabꞌail ebꞌ penawom. Cꞌam bꞌey watxꞌ wakꞌon yetoj ebꞌ chi etnentoj watxꞌ bꞌeybꞌale.

6 Oj jin txꞌael jin kꞌabꞌ yu jin txꞌoxon eloj tol cꞌam jin penail. Jaxca ton tuꞌ oj skeꞌ wapni oc scꞌatan jun yet xaambꞌal ja sattaj.

7 Jaxa walon watxꞌ kꞌane ey jaach yin bꞌitalil tuꞌ, catuꞌ oj walon el jantaj tzet qꞌueyubꞌtaj yili jix ja waꞌne.

8 Jaach Jehová jin Diosal, chin camcꞌulne ja templo bꞌey caan jaach ecꞌoj. Jaꞌ tituꞌ chi al-le el ja mimanbꞌilal.

9 Cꞌam ojabꞌ chin ja chaꞌ cam yetoj ebꞌ penawom, cꞌam ojabꞌ cha wiꞌel jin kꞌinal yetoj ebꞌ makꞌom cam ánima,

10 yutol asanne spenail chi yoche ebꞌ chi yunne, bꞌejan scꞌul ebꞌ ẍaꞌon montebꞌal tumin yin ewantajil.

11 Jal jin jain tiꞌ, asanne tzetyetal watxꞌ chi el wuneni. ¡Okꞌ ojabꞌ ja cꞌul win an!

12 Watxꞌ ojabꞌ cꞌal chi yun jin bꞌeytoj yin jin watxꞌ bꞌeybꞌal, yet watxꞌ cꞌam tzet chin ioni. Oj wal watxꞌ kꞌane ey jaach xol ebꞌ yaman ecꞌ ja sattaj.