2 Yakꞌ ojabꞌtej scolwal ey jaach bꞌey stemplo bꞌey wonan Sión.

3 Snaꞌ ojabꞌtej masanil ja saꞌbꞌeal. Ẍaꞌ ojabꞌ scꞌul ja xaambꞌal jix ja wakꞌ tzꞌaꞌoj.

4 Yakꞌ ojabꞌ masanil tzet cha woche, catuꞌ chi yakꞌon pax masanil tzetyetal cha naꞌbꞌalne eloj.

5 Oj el kaw yu tzalacꞌulal yet oj kakꞌon eyqꞌuey ebꞌ cu cajat, catuꞌ oj kiꞌon a cu bandera yu kiꞌon a can sbꞌi cu Diosal. ¡Yakꞌ ojabꞌ masanil tzet chi cu kꞌan tet!

6 Wotajxa tinaniꞌ tol jaꞌ Jehová chi colwa wetoj jain rey jin sicꞌbꞌil jin el yu. Jata cꞌal bꞌey satcan chi takꞌwi eytej ey jin. Yu yipalil swatxꞌ kꞌabꞌ, yuxan oj wakꞌ eyqꞌuey mimej jowal.

7 Ey jaywanoj ebꞌ tuꞌ tol jaꞌ scarruaje yet jowal, cꞌal ẍe ebꞌ eyoc yipoj scꞌul; jal jon jaon tiꞌ xin, jaꞌ Jehová cu Diosal chi kaoc yipoj cu cꞌul.

8 Jaꞌ ebꞌ tuꞌ, chi pax yip yajan ebꞌ, catuꞌ chi telcꞌotoj ebꞌ; jal jon pax jaon tiꞌ, ey cꞌal kip, linan jon cꞌal oc sattaj jowal.

9 ¡Jaach jin Diosal, colwaan wetoj jain rey jin tiꞌ! ¡Takꞌwan ey jon yet chach kawteni!