2 Jaach toni ey jaach oc wipomaloj, yutol ja wotaj, tol jichan jin bꞌeybꞌal.

3-4 Ja wotaj masanil tzet chin naꞌ, caxcꞌal akꞌbꞌalil. Jaach cha naꞌoc win an, cꞌam cꞌal jin penail jix ilcha win ja wu. Chin naꞌ tol cꞌam pena kꞌane chi wal jaxca ebꞌ chi alon pena kꞌane. Jix jin bꞌosel jin bꞌa xol sbꞌeybꞌal ebꞌ chi yetne yet animail.

5 Caw chi waoc jin naꞌbꞌal yin ja kꞌane, ey jin oc yul ja bꞌe. Ey jin cꞌal oc yin ja watxꞌ bꞌeybꞌal.

6 Jaach jin Diosal, chi wal jin bꞌa ey jaach, yutol cha wabꞌ tzet chi walaꞌ. Aoc ja txiquin yin jin txa lalan walon ey jaach.

7 Watxꞌ ojabꞌ chi yun ja txꞌoxon ja camcꞌulal ey jin xin. Ilaꞌ tol chach colwa yin ebꞌ ánima chi seyon ecꞌ ja colwal.

8 Teyne jin jaxca chi yun jin teynen sbꞌakꞌ jin sat. Cꞌubꞌa jin jaxca chi yun smoon a yuneꞌ noꞌ xutx caẍlan yalan xicꞌ.

9 Col jin el tet ebꞌ penawom chi tit win, cꞌal tet ebꞌ makꞌom cam ánima joyan oc win.

10 Cꞌam chi okꞌ scꞌul ebꞌ yin yet animail, mimej winaj chi yute kꞌanabꞌ sbꞌa ebꞌ.

11 Cawil tzajan ebꞌ wintaj, jix joymo oc ebꞌ win, chi yoche ebꞌ chin eyqꞌueyi.

12 Laan ebꞌ jaxca noꞌ bꞌalam chi yoche chi smitxꞌ ẍiꞌbꞌe, jaxca wal junoj noꞌ achꞌe bꞌalam chi smaj ẍiꞌbꞌe.

13 Jaach Jehová jin Diosal, ocan wetoj an. Makꞌtoj sat ebꞌ chi jowi oc win, catuꞌ chi eyqꞌuey ebꞌ. Akꞌbꞌalne chꞌen ja wespada, yet chin ja colon el yul skꞌabꞌ ebꞌ penawom tuꞌ.

14 Jaach jin Diosal, col jin el tet ebꞌ ánima asanne yul yibꞌankꞌinal tiꞌ eyoc snaꞌbꞌal. Aoc syaꞌilal ebꞌ, tol smoo cꞌaltaꞌ ẍaꞌon ebꞌ, tzaji ojabꞌtoj yuninal ebꞌ cꞌal yitxiquin ebꞌ yetoj.

15 Jal jin jain tiꞌ xin, yutol watxꞌ jin naꞌbꞌal, yuxan oj wiloc ja sat. Cꞌamxa tzet oj yoche jin cꞌul yet oj jin pitzcꞌu a ja sattaj.