2 Ilaꞌ wal ebꞌ penawom, chi yaoc sjulbꞌal ebꞌ yin xꞌanil sjulbꞌal, caw tꞌininaj xacꞌal chi yute ebꞌ, jaxa bꞌey ewantaj chi julwatoj ebꞌ yin ebꞌ yeynajil ánima.

3 Ta tol jaꞌ ebꞌ eyoc yin yaawil, jaxa cꞌal yin spenail eyoc snaꞌbꞌal ebꞌ, ¿tzet to wal oj yute sbꞌa mactxequel watxꞌ sbꞌeybꞌal? je chi ey jin.

4 Jal Jehová eyecꞌ bꞌey stemplo, yutol asanne Naj ey yet. Jaꞌ bꞌey satcan tuꞌ, jaꞌ tituꞌ ey sdespacho Naj, catuꞌ chi cam wal yiloni jantaj tzet chi el sbꞌeybꞌalnen masanil ebꞌ ánima.

5 Jaꞌ Naj chi naꞌon oc yin ebꞌ ánima watxꞌ snaꞌbꞌal, jal pax yin ebꞌ pena snaꞌbꞌal xin, caw chi tit sjowal scꞌul Naj yin ebꞌ.

6 Jaꞌ Jehová chi yatej kꞌakꞌ yibꞌan ebꞌ penawom jaxca yaax nabꞌ, cꞌal azufre eyoc skꞌakꞌal. Oj yatej jun miman kaꞌeꞌ yet chi tajcan el masanil. Jaꞌ Naj oj pajtzen tet ebꞌ ánima, jatacꞌalaꞌ tzet chi el yunen ebꞌ.

7 Jaꞌ Jehová jichan ton snaꞌbꞌal, chi cam scꞌul yin masanil sjichanil. Yuxan jaꞌ ebꞌ ánima watxꞌ sbꞌeybꞌal, oj oc wal tꞌanan ebꞌ yin sat Dios.