2 Jaach jin Diosal, okꞌ ojabꞌ ja cꞌul win yutol cꞌamxa wip chi wabꞌe. Jaach jin Diosal, akꞌ waꞌxoj jin cꞌul xol jin yaꞌilal, yutol caw chi bꞌilwi masanil jin mimanil tiꞌ.

3 Caw ey jin oc yin xiwcꞌulal. Jaach jin Diosal, ¿bꞌakꞌin oj jul jin ja coloꞌ?

4 Titan, col jin eloj, ocan tꞌanan win, col jin cꞌal eloj yutol camcꞌulnebꞌil jin ja wu.

5 ¿Tumi eyto mactxequel oj jaach naꞌontej yet camnajxa? ¿Mac wal junoj ebꞌ camnajxa oj skeꞌ sbꞌitni ey jaach?

6 Caw wal jix pax wip wokꞌi. Chin okꞌ cꞌal junjun akꞌbꞌal. Caw chꞌacanxa jin kꞌaan yu yal jin sat.

7 Cꞌamxa chi skeꞌ wilwani, saj xacꞌal jolinaj wilwan yu yal jin sat, yu cꞌal ebꞌ jin cajat.

8 Elanwej jin cꞌatan jex che yun spenail, tuxa jix yabꞌ Jehová wokꞌilal, catuꞌ jix yabꞌen tzet jix wal yin jin txa

9 Jix yabꞌ Dios jin txa, jix yabꞌen tzet chin kꞌan tet.

10 Jaꞌ ebꞌ jin cajat oj qꞌuixwoj can a ebꞌ, catuꞌ oj oc ebꞌ yin xiwcꞌulal. Oj ela ebꞌ yu xiwcanil, yin junne mutzꞌsatil oj yun yelcan a ebꞌ yin qꞌuixwilal.