2 Caw ecꞌal ebꞌ chi alon win jaxca tiꞌ: Jaꞌ Dios man oj colwa yetoj, ẍi ebꞌ.

3 Jal jin jain tiꞌ, wotaj an tol jin Colomal ja weocoj, jaxca junoj jenan chꞌen bꞌey chi scol sbꞌa ebꞌ soldado, jaach chin ja wiꞌa can, catuꞌ cha wakꞌon jin tecꞌanil.

4 Jaꞌ yet chin awi ey jaach, chach takꞌwi ey jin, bꞌey jun wonan tol ja wet yeocoj.

5 Chin ey telanoj, catuꞌ chin weyi; watxꞌ cꞌal chi yun yel jin weyan, yutol jaach chin ja teyne.

6 Cꞌam chin xiw tet jun miman bꞌulan ebꞌ akꞌom jowal joyan oc winlaj an.

7 ¡Jaach jin Diosal, ocan wetoj an! ¡Jaach jin Diosal, col jin cꞌal eloj! Makꞌtoj sat ebꞌ jin cajat, cha makꞌon eltej yee ebꞌ pena chi yute sbꞌa.

8 Jaach jin Diosal, asan jaach jin Colomal jaach. Akꞌ ja yaxilal kibꞌan jaon ja conobꞌ jon tiꞌ.