3 ¿Tzet yuxan chon ja wal noꞌal, caw cꞌamxa cꞌal keloc apnoj yul ja sat?

4 Tucꞌal cha wakꞌ yasoj ja bꞌa yu ja chichoncꞌulal tuꞌ. ¿Chim la ja naꞌ tol jaꞌ yu jun tuꞌ oj cancan txꞌotxꞌ txꞌotxꞌ yin tzꞌinanil, ma oj qꞌuexcha el chꞌen mimej chꞌen bꞌey ey cꞌaltaꞌ ey chꞌen syaꞌiloj ja kꞌane cha wal tuꞌ?

5 Jaꞌ tzet eyoc yipoj scꞌul junoj pena snaꞌbꞌal, oj tancan eloj, jaxca chi yun slawi ey skꞌakꞌal junoj tzejtebꞌal.

6 Oj tan cꞌal pax skꞌakꞌal tzejtebꞌal yul sna, cꞌamxa sajkꞌinal eyecꞌ scꞌatan.

7 Jaꞌ ebꞌ ey yip sbꞌey tinaniꞌ, oj pax yip ebꞌ, catuꞌ oj eyqꞌuey ebꞌ yul yaal jix swaꞌne eyoj.

8 Oj ey junoj txꞌan yaal yul sbꞌe, queytuꞌ oj yun scan bꞌakꞌan yul jun yaal tuꞌ.

9 Oj ey junoj lasu yul sbꞌe, jaꞌ yin snukꞌ yajan oj oc bꞌakꞌanoj.

10 Ewan ye can ey jun yaal tuꞌ yul sbꞌe, jaꞌ yet chi ecꞌtoj scꞌatan chi can bꞌakꞌan yin.

11 Masanil xacꞌal bꞌey chi eqꞌui ey xacꞌal smey scam chi yabꞌe; jaxca tol ujtebꞌil xacꞌal ocoj.

12 Caw oj pax yip yu wail, jaꞌ syaꞌilal tꞌanan xacꞌal oc yin, yet chi jul yibꞌan.

13 Jaꞌ syaꞌilal, jaꞌton eyoc smitxꞌkꞌabꞌoj camich, niẍtejal chi yun yakꞌle lawoj smimanil jun penawom tuꞌ yu.

14 Jaꞌ camich tuꞌ oj iꞌon el xol watxꞌcꞌulal bꞌey caan yul sna, catuꞌ oj jutxle cantoj sattaj mimej xiwcꞌulal, jaꞌton tet camich.

15 Oj nusle cantoj sna, catuꞌ oj secle cantoj azufre^a yul sna, catuꞌ oj tzꞌaꞌcantoj masanil yu kꞌakꞌ.

16 Jaꞌ ebꞌ penawom, laan ebꞌ jaxca junoj teꞌ teꞌ tol tajnajxa el xeꞌ, yetoj skꞌabꞌ.

17 Cꞌamxa mactxequel oj naꞌontej ebꞌ bꞌey sat txꞌotxꞌ tiꞌ, junelne cꞌamxa bꞌey oj akꞌle bꞌina sbꞌi ebꞌ.

18 Oj iꞌle el ebꞌ bꞌey sajkꞌinal, catuꞌ oj kꞌojle cantoj ebꞌ xol kꞌejkꞌinal; oj iꞌle can el ebꞌ bꞌey jun yul yibꞌankꞌinal tiꞌ.

19 Cꞌamxa junoj yicꞌaal ebꞌ oj cancan xol yet conobꞌ, cꞌamxa junojxa yicꞌaal ebꞌ oj cancan bꞌey sna ebꞌ.

20 Jaꞌ yet oj yabꞌen oc ebꞌ ánima jun tzetyetal jix jul yibꞌan ebꞌ penawom tuꞌ, caw oj xiwa ebꞌ caan bꞌey chi aol cꞌu cꞌal ebꞌ bꞌey chi too cꞌu.

21 Queywal tuꞌ oj yun slawi ey skꞌinal ebꞌ penawom, jaꞌton ebꞌ ánima chi intajnen can el Dios, ẍi naj Bildad.