Ey Ebꞌ Jix Sicꞌle El Yu Naj Nehemías Yet Chi Oc Yopiso Ebꞌ
7
Jaꞌ yet jix lawi swaꞌxi can jun muro tuꞌ, catuꞌ jix ale can octoj spuertail, jix sicꞌle can oc steynemal spuertail tuꞌ, catuꞌ jix sicꞌle el ebꞌ chi bꞌitni cꞌal yetoj ebꞌ Levita. 2 Jix waon can oc naj wuẍtaj Hananí yin gobernadoral bꞌey conobꞌ Jerusalén, yetoj cꞌal naj Hananías jix oc can yin comandanteal yin syaawiloj cuartel bꞌey Jerusalén, yutol caw watxꞌ snaꞌbꞌal ebꞌ naj tuꞌ, caw ey xiwcꞌulal ebꞌ tet Dios cꞌal tet wanojxa ánima. 3 Catuꞌ jix walon tet ebꞌ, tol man ojabꞌ comonoj chi sjaj spuertail conobꞌ Jerusalén ebꞌ, jaxa yet yeycꞌualil caw wal watxꞌ chi yun smajchele canoj, yet cꞌamto chi el ebꞌ teynen puerta tuꞌ. Jix waon cꞌal pax oc jaywanxa ebꞌ caan bꞌey Jerusalén yin steyneni, ey mactxequel xin, chi steyne bꞌey scawilal sna. 4 Jaꞌ jun conobꞌ tiꞌ caw wal miman yeocoj, jal ebꞌ ánima xin, txenne sbꞌisil ebꞌ caan yul jun conobꞌ tuꞌ, yutol cꞌam tocꞌal chi caꞌ waꞌnele a sna ebꞌ.Slistail Ebꞌ Jix Meltzotej Bꞌey Babilonia
5 Jix lawi tuꞌ xin, jaꞌ Dios jix aon oc yin jin naꞌbꞌal yet chin yambꞌa oc ebꞌ ánima tol miman yeloc apnoj, ebꞌ yaaw yetoj cꞌal ebꞌ conobꞌ, yet watxꞌ chi tzꞌibꞌele sbꞌi ebꞌ jatacꞌalaꞌ tzet yeoc ebꞌ yin junjun mameal, catuꞌ jix ilcha cꞌal pax tej an juun bꞌey tzꞌibꞌebꞌilcan sbꞌi yichmam ebꞌ tol eyxa cꞌaltaꞌ smeltzotej, jaꞌton tituꞌ tzꞌibꞌebꞌil ey sbꞌi ebꞌ tiꞌ:
6 Jaꞌton sbꞌi yicꞌaal ebꞌ titnaj bꞌey Judá tiꞌ, jaꞌton ebꞌ jix iꞌletoj jaxca presowomal bꞌey Babilonia yu naj rey Nabucodonosor. Jaꞌ yet jix lawi stiempoal yeecꞌ ebꞌ yin yakꞌomaloj servil tituꞌ, jix meltzotoj ebꞌ bꞌey Jerusalén cꞌal bꞌey wanxa conobꞌ yul yet Judá, junjun cꞌal ebꞌ jix apni oc bꞌey sconobꞌ. 7 Ebꞌ ijbꞌanen oc ebꞌ jaꞌton ebꞌ tiꞌ: Zorobabel, Josué, Nehemías, Azarías, Raamías, Nahamaní, Mardoqueo, Bilsán, Misperet, Bigvai, Nehúm cꞌal Baaná.
8 Jaꞌ xol ebꞌ yicꞌaal naj Parós, ey 2,172 ebꞌ.
9 Jaꞌ xol ebꞌ yicꞌaal Sefatías ey 372 ebꞌ.
10 Jaꞌ xol ebꞌ yicꞌaal naj Árah, ey 652 ebꞌ.
11 Ebꞌ naj Pahat-moab, jaꞌton ebꞌ tuꞌ yicꞌaal Josué ebꞌ, cꞌal ebꞌ yicꞌaal Joab, ey 2,818 ebꞌ.
12 Ebꞌ yet Elam, ey 1,254 ebꞌ.
13 Ebꞌ yet Zatú, ey 845 ebꞌ.
14 Ebꞌ yet Zacai, ey 760 ebꞌ.
15 Ebꞌ yet Binuy, ey 648 ebꞌ.
16 Ebꞌ yet Bebai, ey 628 ebꞌ.
17 Ebꞌ yet Azgad, ey 2,322 ebꞌ.
18 Ebꞌ yet Adonicam, ey 667 ebꞌ.
19 Ebꞌ yet Bigvai, ey 2,067 ebꞌ.
20 Ebꞌ yet Adín, ey 655 ebꞌ.
21 Ebꞌ yet Ater, jaꞌton ebꞌ yicꞌaal naj Ezequías, ey 98 ebꞌ.
22 Ebꞌ yet Hasum, ey 328 ebꞌ.
23 Ebꞌ yet Besai, ey 324 ebꞌ.
24 Ebꞌ yet Arif, ey 112 ebꞌ.
25 Ebꞌ a Gabaón, ey 95 ebꞌ.
26 Ebꞌ a Belén cꞌal ebꞌ a Netofá, ey 188 ebꞌ.
27 Ebꞌ a Anatot, ey 128 ebꞌ.
28 Ebꞌ a Bet-azmávet, ey 42 ebꞌ.
29 Ebꞌ a Quiriat-jearim, Quefirá cꞌal Beerot, ey 743 ebꞌ.
30 Ebꞌ a Ramá cꞌal ebꞌ a Guebá, ey 621 ebꞌ.
31 Ebꞌ a Micmás, ey 122 ebꞌ.
32 Ebꞌ a Betel cꞌal ebꞌ a Ai, ey 123 ebꞌ.
33 Ebꞌ yet scaabꞌ Nebo, ey 52 ebꞌ.
34 Ebꞌ yet scaabꞌ Elam, ey 1,254 ebꞌ.
35 Ebꞌ a Harim, ey 320 ebꞌ.
36 Ebꞌ a Jericó, ey 345 ebꞌ.
37 Ebꞌ a Lod, Hadid, cꞌal Onó, ey 721 ebꞌ.
38 Ebꞌ yet Senaá, ey 3,930 ebꞌ.
39 Jaꞌ jun tujan ebꞌ yakꞌomal xaambꞌal xol yicꞌaal naj Jedaías, yicꞌaal cꞌal pax Josué, ey 973 ebꞌ.
40 Ebꞌ yicꞌaal Imer, ey 1,052 ebꞌ.
41 Ebꞌ yet Pashur, ey 1,247 ebꞌ.
42 Ebꞌ yet Harim, ey 1,017 ebꞌ.
43 Jaꞌ ebꞌ Levita yicꞌaal naj Josué yetoj cꞌal Cadmiel, jaꞌ ebꞌ tuꞌ yican to pax Hodavías, ey 74 ebꞌ.
44 Jaꞌ xol ebꞌ yicꞌaal Asaf, ebꞌ chi bꞌitni, ey 148 ebꞌ.
45 Jaꞌ ebꞌ chi teynen puerta, yicꞌaal naj Salum ebꞌ yet Ater, ebꞌ yet Talmón, ebꞌ yet Acub, ebꞌ yet Hatitá cꞌal ebꞌ yet Sobai, ey 138 ebꞌ yin masanil.
46 Jaꞌ ebꞌ jix akꞌwi servil bꞌey stemplo Dios, jaꞌton ebꞌ yicꞌaal Sihá, ebꞌ yet Hasufá, ebꞌ yet Tabaot. 47 Ebꞌ yet Querós, ebꞌ yet Siahá, ebꞌ yet Padón. 48 Ebꞌ yet Lebaná, ebꞌ yet Hagabá, ebꞌ yet Salmai. 49 Ebꞌ yet Hanán, ebꞌ yet Guidel, ebꞌ yet Gáhar. 50 Ebꞌ yet Reaías, ebꞌ yet Resín, ebꞌ yet Necodá. 51 Ebꞌ yet Gazam, ebꞌ yet Uzá, ebꞌ yet Paséah. 52 Ebꞌ yet Besai, ebꞌ Meunim, ebꞌ Nefusim. 53 Ebꞌ yet Bacbuc, ebꞌ yet Hacufá, ebꞌ yet Harhur. 54 Ebꞌ yet Baslut, ebꞌ yet Mehidá, ebꞌ yet Harsá. 55 Ebꞌ yet Barcós, ebꞌ yet Sísara, ebꞌ yet Temá. 56 Ebꞌ yet Nesíah cꞌal yetoj ebꞌ yet Hatifá.
57 Jaꞌ ebꞌ yakꞌomal servil Salomón, jaꞌton ebꞌ yicꞌaal Sotai, ebꞌ yet Hasoferet, ebꞌ yet Perudá, 58 ebꞌ yet Jahalá, ebꞌ yet Darcón, ebꞌ yet Guidel, 59 ebꞌ yet Sefatías, ebꞌ yet Hatil, ebꞌ yet Poquéret-hasebaím cꞌal ebꞌ yet Amón. 60 Jaꞌ masanil ebꞌ jix akꞌwi servil bꞌey stemplo Dios cꞌal ebꞌ yicꞌaal ebꞌ yakꞌomal servil Salomón, ey 392 ebꞌ yin masanil.
61 Jaꞌ ebꞌ jix tit bꞌey Tel-mélah, bꞌey Tel-harsá, bꞌey Querub, bꞌey Adón, cꞌal bꞌey Imer, ma skeꞌ xꞌoxon el sbꞌa ebꞌ ta tol Israel ebꞌ yu yicꞌaal, jaꞌton ebꞌ tiꞌ: 62 Ebꞌ yicꞌaal Delaías, ebꞌ yet Tobías, cꞌal yetoj ebꞌ yet Necodá, ey 642 ebꞌ. 63 Ebꞌ yican sbꞌa yetoj ebꞌ yakꞌomal xaambꞌal, jaꞌton ebꞌ tiꞌ: Ebꞌ yicꞌaal Hobaías, ebꞌ yet Cos, cꞌal ebꞌ yet Barzilai, jaꞌton jun tuꞌ jix nupi yetoj scutzꞌin naj Barzilai a Galaad, yuxan jaꞌ sbꞌi sniꞌ tuꞌ jix oc can yin. 64 Jaꞌ ebꞌ tuꞌ jix sey yil sbꞌi ebꞌ bꞌey yul slibroal bꞌey tzꞌibꞌebꞌilcan ey sbꞌi ebꞌ ichmame, ma cꞌaltaꞌ ilcha wan bꞌie tuꞌ yu ebꞌ, queytuꞌ jix yun yiꞌle can el ebꞌ yin yopiso. 65 Jix yalon naj gobernador tol cꞌam chi skeꞌ sloꞌon ixim pan ebꞌ tol yet Dios yeocoj, masantaꞌcꞌal jaꞌ junoj yakꞌomal xaambꞌal chi aloni yin chꞌen chi yij Urim cꞌal yin Tumim ta tol yel yicꞌaal Aarón ebꞌ.
66 Ey 42,360 ebꞌ ánima tuꞌ yin masanil. 67 Cꞌam ebꞌ naj yakꞌomal servil cꞌal ebꞌ ix yakꞌomal servil eyoc stzꞌajiloj. Jaꞌ ebꞌ tuꞌ ey 7,337 ebꞌ yin masanil. Ey cꞌal pax 245 ebꞌ winaj cꞌal ebꞌ ix ix chi bꞌitni. 68 Ey cꞌal pax 736 noꞌ caballo, ey pax 245 noꞌ mula, 69 ey 435 noꞌ camello cꞌal yetoj 6,720 noꞌ bꞌuru.
70 Ey wanxa ebꞌ yaaw yeoc xol ebꞌ yican jix yakꞌ saꞌbꞌeal ebꞌ yu swaꞌxubꞌal stemplo Dios. Jix yakꞌ naj gobernador tet naj cꞌubꞌam tumin 16 libra chꞌen oro, yetoj 50 mimej secꞌ cꞌal yetoj 530 an pichile yet ebꞌ yakꞌomal xaambꞌal. 71 Cꞌal wanxa ebꞌ yaaw yeoc xol ebꞌ yican jix yakꞌ ebꞌ tet naj chi cꞌubꞌan tumin ey 337 libra chꞌen oro cꞌal yetoj 3,215 libra chꞌen plata. 72 Jal niꞌojxa ebꞌ conobꞌ tuꞌ jix yakꞌ 37 libra chꞌen oro ebꞌ, 24 quintal chꞌen plata, yetoj cꞌal 67 an pichile yet ebꞌ yakꞌomal xaambꞌal.
73 Jaꞌ ebꞌ yakꞌomal xaambꞌal yetoj ebꞌ Levita, yetoj ebꞌ chi teynen puerta, yetoj ebꞌ chi bꞌitni, cꞌal yetoj masanil ebꞌ ánima ey bꞌey conobꞌ tuꞌ, ebꞌ chi akꞌwi servil bꞌey stemplo Dios, cꞌal yetoj masanil ebꞌ Israel jix swaꞌne a sna bꞌey jix caey ecꞌ ebꞌ yul-laj sconobꞌ, ẍi yul an juun tuꞌ.