Ebꞌ Yicꞌaal Benjamín
8
Jaꞌ naj Benjamín, ey jowan scꞌaal, jaꞌton sbꞌi ebꞌ yin xolilal tiꞌ: Bela, Asbel, Ahrah, 2 Nohá, cꞌal Rafá. 3 Jaꞌ ebꞌ scꞌaal naj Bela ey bꞌalonwan ebꞌ, jaꞌton: Adar, Guerá, Abihud, 4 Abisúa, Naamán, Ahóah, 5 Guerá, Sefufán cꞌal Hiram.6-7 Ebꞌ scꞌaal naj Ehud, jaꞌton: Naamán, Ahías cꞌal Guerá, jaꞌ ebꞌ chi akꞌon yaawilal xol ebꞌ caan bꞌey conobꞌ Guebá; jaꞌ ebꞌ tuꞌ jix iꞌletoj ebꞌ yet chi caey ecꞌ ebꞌ bꞌey conobꞌ Manáhat, yu naj Guerá smam naj Uzá, cꞌal Ahihud. 8 Jaꞌ naj Saharaim, eyto cꞌal wanxa ebꞌ scꞌaal jix ali yet eyxa ecꞌ bꞌey Moab, yet xax spoꞌolen sbꞌa naj yetoj ebꞌ ix yistil, jaꞌton ix Husim, cꞌal ix Baará. 9 Jaꞌ ebꞌ scꞌaal naj yetoj junxa yistil tuꞌ, jaꞌton ix chi yij Hodes, jaꞌton: Jobab, Sibiá, Mesá, Malcam, 10 Jeús, Saquías, cꞌal Mirmá. Jaꞌton wan scꞌaal tuꞌ jix oc ebꞌ yin yaawilal xol ebꞌ.
11 Jaꞌ yetoj ix yistil chi yij Husim, ey cawan scꞌaal, jaꞌton: Abitub, cꞌal Elpáal. 12 Jaꞌ ebꞌ scꞌaal Elpáal, jaꞌton: Éber, Misam cꞌal Sémed. Jaꞌton Sémed tiꞌ jix waꞌnen a conobꞌ chi yij Onó, cꞌal Lod yetoj cꞌal yaldeail. 13 Jaꞌ naj Beería yetoj naj Sema, jaꞌton ebꞌ yaaw yeoc xol ebꞌ jix caey ecꞌ bꞌey Aialón, jaꞌton ebꞌ jix ujten el ebꞌ peyxa tax apni oc caey bꞌey conobꞌ Gat. 14-16 Jaꞌ ebꞌ scꞌaal Beriá, jaꞌton: Ahió, Sasac, Jeremot, Zebadías, Arad, Ader, Micael, Ispá cꞌal Johá.
17-18 Jaꞌ ebꞌ scꞌaal Elpáal, jaꞌton: Zebadías, Mesulam, Hizquí, Héber, Ismerai, Izlías cꞌal Jobab. 19-21 Jaꞌ ebꞌ scꞌaal Simí, jaꞌton: Jaquim, Zicrí, Zabdí, Elienai, Siletai, Eliel, Adaías, Beraías cꞌal Simrat. 22-25 Jaꞌ ebꞌ scꞌaal Sasac: Jaꞌton Ispán, Éber, Eliel, Abdón, Zicrí, Hanán, Hananías, Elam, Anatotías, Ifdaías cꞌal Peniel. 26-27 Jaꞌ ebꞌ scꞌaal naj Jeroham, jaꞌton: Samserai, Seharías, Atalías, Jaresías, Elías cꞌal Zicrí. Jaꞌ wan ebꞌ jix kakꞌ bꞌina tiꞌ, ichmame yeoc ebꞌ yin ebꞌ jix caey ecꞌ bꞌey Jerusalén. 28 Jal wanxa ebꞌ naj tuꞌ xin, yaaw yeoc ebꞌ xol junjun tujan icꞌaale jix cancan bꞌey Jerusalén.
Ebꞌ Yicꞌaal Naj Saúl
29 Jaꞌ bꞌey conobꞌ Gabaón jix caey ecꞌ naj Jehiel, jaꞌton smam icham ebꞌ a Gabaón. Jaꞌ yistil naj tuꞌ, Maacá yoc sbꞌi ix. 30 Jaꞌ ebꞌ scꞌaal naj, jaꞌton: Abdón bꞌabꞌel scꞌaal, catuꞌ chi tit naj Sur, Quis, Baal, Ner, Nadab, 31 Guedor, Ahió, Zéquer, 32 cꞌal naj Miclot, smam naj Simí. Jaꞌ ebꞌ tiꞌ jix caey cꞌal pax ecꞌ ebꞌ yetoj ebꞌ yican bꞌey Jerusalén.
33 Jaꞌ naj Ner tiꞌ, jaꞌton smam naj Quis, jaꞌ naj Quis jaꞌton smam naj Saúl. Jaꞌ ebꞌ scꞌaal Saúl, jaꞌton ebꞌ tiꞌ: Jonatán, Malquisúa, Abinadab cꞌal Es-baal. 34 Jal pax ebꞌ scꞌaal Jonatán, jaꞌton Merib-baal smam Micaías. 35 Jaꞌ ebꞌ scꞌaal Micaías: Jaꞌton Pitón, Mélec, Tarea cꞌal Ahaz. 36 Jaꞌ naj Ahaz tuꞌ, jaꞌton smam naj Joadá, jaꞌ naj Joadá, smam naj Alémet, Azmávet cꞌal Zimrí; jaꞌ Zimrí tuꞌ smam naj Mosá. 37 Jaꞌ xolilal ebꞌ yicꞌaal naj Mosá tuꞌ: Jaꞌton Biná, Rafá, Elasá, cꞌal Asel.
38 Ey wajwan ebꞌ scꞌaal naj Asel tuꞌ, jaꞌton: Azricam, Bocrú, Ismael, Searías, Abdías cꞌal Hanán.
39 Jaꞌ naj Ésec yuẍtaj naj Asel, ey oxwan scꞌaal, jaꞌton: Ulam, Jehús, cꞌal naj Elifélet. 40 Jaꞌ ebꞌ scꞌaal naj Ulam tuꞌ, cuywinaj ebꞌ yin soldadoal, caw jelan yakꞌon jowal ebꞌ, yotaj ebꞌ chi julwai. Caw ecꞌal sbꞌisil scꞌaal ebꞌ, cꞌal yitxiquin ebꞌ, ey 150 ebꞌ yin masanil. Masanil ebꞌ tuꞌ, yicꞌaal Benjamín ebꞌ.