Jaꞌ jun libro tiꞌ man kotajoj mac jix tzꞌibꞌeni. Jaꞌ yul yet Israel jix tzꞌibꞌelecanoj. Jaꞌton an yet scaabꞌ libro Samuel.

Jaꞌ bꞌey capítulo 1 masantaꞌcꞌal bꞌey capítulo 4, jaꞌ tituꞌ chi yaltej tzet jix yun yoc naj David yin reyal bꞌey Judá. Ey pax wanxa nación jix oc yalan ẍejbꞌanil naj chi yij sbꞌi Is-bóset, jaꞌton jun scꞌaal naj Saúl.

Jaꞌ bꞌey capítulo 5 masantaꞌcꞌal bꞌey capítulo 24, jaꞌ tituꞌ chi yaltej tzet jix yun yakꞌon jowal naj Is-bóset yetoj naj rey David. Caw watxꞌ jix yun yakꞌon yaawil naj David xol masanil conobꞌ ey yul yet Israel. Chi yalon pax tej jun libro tiꞌ tol jaꞌ naj David caw jelan yakꞌon jowal naj, jelan pax naj yijbꞌan ebꞌ conobꞌ. Caw watxꞌ jix yute steynen sconobꞌ, jix txeclo eloj tol eyoc snaꞌbꞌal naj yin Dios, caw ey scamcꞌulal yin sconobꞌ, yuxan caw chi tzala masanil ebꞌ conobꞌ yetoj naj. Caw jix naꞌletej naj rey David yu swatxꞌ bꞌeybꞌal yet jix yakꞌon reyal yul conobꞌ Israel. Caw jix yakꞌ yip yijbꞌan ebꞌ conobꞌ tuꞌ. Jaꞌ jun swatxꞌ naꞌbꞌal tuꞌ, txꞌoxbꞌanil yeoc yin Cristo, jun tol sicꞌbꞌil el yu Dios, yutol oj juloj yet chi eloc jantaj tzet albꞌilcan tet ebꞌ Israel.