Jaꞌ jun libro tiꞌ jix tzꞌibꞌelecan bꞌey yul yet Israel. Jaꞌ naj Samuel slawubꞌ juez yet jix oc yin yopiso, catuꞌ jaꞌ naj bꞌabꞌel ẍejabꞌ Dios tol miman yeloc apnoj xol ebꞌ Israel.

Jaꞌ sbꞌi naj eyoc yin jun libro tiꞌ, jaꞌ chi alontej tzet jix yun yecꞌ tiempo yu ebꞌ juez yetoj cꞌal tzet jix yun yoc ebꞌ Israel yin junne conobꞌal yalan ẍejbꞌanil naj rey sicꞌbꞌil el yu Dios. Ey oxwan ebꞌ miman yeloc apnoj sbꞌi yul jun libro tiꞌ, jaꞌton: Samuel, Saúl yetoj naj David.

Jaꞌ wan bꞌabꞌel jujebꞌ capítulo chi alontej yu ebꞌ smam icham naj Samuel, yetoj bꞌey alinaj cꞌal tzet jix yun yoc naj yin yopiso yet jix yijbꞌan ebꞌ yet Israelal.

Jaꞌ bꞌey capítulo 8 chi apni oc bꞌey capítulo 15, jaꞌ tituꞌ chi yaltej tzet jix yun yoc naj Saúl yin reyal.

Jaꞌ bꞌey capítulo 16 masantaꞌcꞌal bꞌey capítulo 30, jaꞌ tituꞌ chi yaltej tzet jix yun yetex el snaꞌbꞌal naj Saúl, yetoj wan syaꞌilal jix jul yibꞌan naj. Chi yalon pax tej tzet jix yun yujtele ecꞌ naj David yu naj Saúl tuꞌ. Yuxan jaꞌ naj David tuꞌ caw jix yakꞌ jowal naj, jix bꞌet yakꞌ jowal yetoj ebꞌ Filisteo.

Jal bꞌey slawubꞌal capítulo xin, chi yaltej yu scamichal naj rey Saúl, yetoj cꞌal ebꞌ scꞌaal naj jix cam yin jowal bꞌey Gilboa. Jaꞌ Dios jix aon oc jun sreyal ebꞌ Israel tuꞌ, jaxca jix yun skꞌanon ebꞌ tet Dios, cꞌam cꞌal bꞌey jix bꞌejlecan ebꞌ, yutol jaꞌton Dios, Sreyal ebꞌ yeocoj.