2 Al masanil wan cuybꞌanile tiꞌ tet ebꞌ ja wet Israelal.

Tuxa wal oj jex octoj bꞌey txꞌotxꞌ Canaán tuꞌ,

tol je yet oj yun can oc txꞌotxꞌ,

jaꞌton wal smoonal txꞌotxꞌ tiꞌ:

3 Jaꞌ smoonal txꞌotxꞌ bꞌey sur,

chi ecꞌtoj bꞌey txꞌotxꞌ cusiltaj txꞌotxꞌ bꞌey yet txꞌotxꞌ Sin,

bꞌey stiꞌlaj txꞌotxꞌ yet Edom.

Chi ẍaꞌel yich yetcꞌulal bꞌey chi too cꞌu,

masantaꞌcꞌal chi apni oc bꞌey yetcꞌulal sur bꞌey jaꞌ Camnaj Mar.

4 Chi bꞌey cꞌal yatoj bꞌey sur masantaꞌcꞌal bꞌey yich txꞌotxꞌ wonan Acrabim,

chi ecꞌ cꞌaltoj bꞌey Sin masantaꞌcꞌal chi apni oc bꞌey Cadés-barnea.

Chi lawi tuꞌ,

catuꞌ chi too cꞌal pax bꞌey Hasar-adar,

masantaꞌcꞌal bꞌey Asmón.

5 Chi to bꞌey Asmón tuꞌ,

catuꞌ chi apni oc bꞌey jun jobꞌe bꞌey chi ecꞌtoj jaꞌ jaꞌ yet Egipto,

catuꞌ chi lawi yapni can oc bꞌey jaꞌ mar Mediterráneo.

6 Jaꞌ smoonal yetcꞌulal bꞌey chi too cꞌu,

jaꞌton jaꞌ mar Mediterráneo.

7 Jaxa smoonal bꞌey norte,

chi ecꞌ cꞌaltoj tꞌininoj bꞌey jaꞌ mar Mediterráneo masantaꞌcꞌal chi apni oc bꞌey sjolom txꞌotxꞌ wonan chi yij Hor.

8 Chi too pax bꞌey sjolom wonan Hor,

masantaꞌcꞌal bꞌey sjolom ecꞌtoj txꞌotxꞌ Hamat,

masantaꞌcꞌal bꞌey Sedad.

9 Chi too bꞌey Sedad tuꞌ,

chi ecꞌ cꞌaltoj bꞌey Zifrón,

masantaꞌcꞌal chi apni oc bꞌey Hasar-enán.

10 Jaxa smoonal yetcꞌulal bꞌey chi aol cꞌu,

jichan chi yun stoo cꞌal tꞌininoj bꞌey Hasar-enán,

masantaꞌcꞌal bꞌey Sefam.

11 Chi to pax bꞌey Sefam tuꞌ,

catuꞌ chi apni oc bꞌey Riblá,

yetcꞌulal bꞌey chi too cꞌu bꞌey Ain.

Chi lawi tuꞌ,

chi ey cꞌaltoj jun moon tuꞌ yetcꞌulal bꞌey chi aol cꞌu bꞌey jaꞌ naabꞌ jaꞌ chi yij Quinéret,

12 catuꞌ chi bꞌey cꞌaltoj bꞌey jaꞌ Jordán masantaꞌcꞌal chi apni oc bꞌey jaꞌ Camnaj Mar.

Jaꞌ masanil wan moon tuꞌ,

jaꞌton chi txꞌoxon smoonal je txꞌotxꞌ tuꞌ,

ẍi Dios,

tet naj Moisés.

13 Jix lawi tuꞌ xin,

jix yalon naj Moisés wan chejbꞌanile tiꞌ tet ebꞌ Israel:

Jaꞌton jun txꞌotxꞌ tiꞌ oj je wa poꞌone ecꞌ je xol jaex tiꞌ,

jatacꞌalaꞌ bꞌeytuꞌ oj can oc je yet junjun jex,

jaꞌton jun jix yal Jehová tol oj poꞌole ecꞌ xol ebꞌ nan slaonebꞌ icꞌaale ebꞌ ket Israelal tol cꞌamto xꞌotxꞌ.

14-15 Yutol ey wan ebꞌ nan yox icꞌaaleal xax ẍaꞌ xꞌotxꞌ,

jaꞌton ebꞌ yicꞌaal Rubén,

yetoj Gad cꞌal yetoj nanxa ebꞌ yet Manasés,

jaꞌton txꞌotxꞌ jix can bꞌey skꞌaxepal ecꞌtoj stiꞌ jaꞌ Jordán yetcꞌulal bꞌey chi aol cꞌu,

txꞌotxꞌ jix can bꞌey sattaj ecꞌtoj Jericó,

ẍi naj Moisés.

16 Jix yalon pax Jehová tet naj Moisés jaxca tiꞌ:

17 Jaꞌ mactxequel oj poꞌon ecꞌ txꞌotxꞌ je xol,

jaꞌton naj Eleazar naj sat yakꞌomal xaambꞌal yetoj naj Josué scꞌaal Nun.

18 Asan xin,

sowalil che yawte junjunoj ebꞌ yaaw yeoc yin junjun icꞌaaleal,

yet chi poꞌole ecꞌ txꞌotxꞌ txꞌotxꞌ tuꞌ.

19 Jaꞌ ebꞌ winaj che yawte tuꞌ,

jaꞌton ebꞌ tiꞌ:

Jaꞌ xol ebꞌ yicꞌaal Judá,

che yawte naj Caleb,

scꞌaal Jefuné.

20 Jaꞌ xol ebꞌ yicꞌaal Simeón,

che yawte naj Samuel,

scꞌaal Amihud.

21 Jaꞌ xol ebꞌ yicꞌaal naj Benjamín,

che yawte naj Elidad,

scꞌaal Quislón.

22 Jaꞌ xol ebꞌ yicꞌaal yet Dan,

jaꞌ naj Buquí eyoc yin yaawil,

jaꞌton scꞌaal naj Joglí.

23 Jaꞌ xol ebꞌ yicꞌaal Manasés,

scꞌaal naj José,

jaꞌ Haniel,

scꞌaal Efod,

jaꞌ yaaw yeocoj.

24 Jaꞌ Quemuel scꞌaal Siftán,

yaaw yeoc xol ebꞌ yet Efraín,

scꞌaal cꞌal pax naj José.

25 Jaꞌ xol ebꞌ yicꞌaal Zabulón,

jaꞌ Elisafán scꞌaal naj Parnac eyoc yin yaawilal.

26 Jaꞌ xol ebꞌ yet Isacar,

jaꞌ naj Paltiel scꞌaal Azán,

eyoc yin yaawilal.

27 Jaꞌ xol ebꞌ yet Aser,

jaꞌ naj Ahihud,

scꞌaal Selomí eyoc yin yaawilal.

28 Jaꞌ xol ebꞌ yet Neftalí,

jaꞌ naj Pedahel scꞌaal Amihud eyoc yin yaawilal,

ẍi Dios.

29 Jaꞌton yul skꞌabꞌ ebꞌ tiꞌ jix yaoc Jehová,

yet chi spoꞌon ecꞌ txꞌotxꞌ Canaán xol ebꞌ yicꞌaal Israel.