Bulus changhabal Yesu tə tsəfə Kainau na ku bəji nda cha ku jarum vu Roma. Filimun ndər nəu Kəristi cha nda na ngya vu Kolosi, mava da tsa cha nda kwa mər tlər nənyi ana tləm nyi Onisimus. Onisimus tə hwi tanyi ya tə mbwa nda Bulus tə vu Roma. Wi sənda gadlagadla njir Roma tə chari, kwa kina nji tsəya Onisimus aka cha həltə sər tlakə nyi ga hwi tanyi.

Onisimus tə ɗa ka ndər nəu Kəristi ku bəji nda cha da Bulus vu Roma. Bulus tə tsəfətə nyi Kainau na nə Filimun aka cha dləutsə Onisimus səkəu, a da wi mava tanyi wa, kəl nda wi kuvanyi ndər nəu Yesu Kəristi. Cha gədi Filimun aka cha farbikər Onisimus cha nyida nyi wi kuvanyi ndər nəuwa. Cha dəkətə nyi nə Filimun ənda nyida nda mən nə ku Kəristi ngə kwa gəla kala sənda məno məra.