Titus a da cha ndər Yahuda wa, cha tubi ga ɗa ka ndər nəuwa, ga ɗa ka ndər mər tlər ana ndər vala Bulus aku tlər bəzə mafakəu. Bulus tə tsəfə kainau na nə Titus nda tlakala nda kwa vala nyi vu Kərita, nda nja ngya nyi vu nda ka cha nəuna tlər nə njir nəuwa. Nja tsəfə nəna Kainau təkəra sə wawa'a tsa'a makərəu.

Tangərma, nja ɗənghatə nyi nə Titus ənda gau nə njir nəu kwa kina ngya, aka ngyakəngyar alenyi njir Kərita ɗimi.

Mətləkunyi, nja dəkətə nyi nə Titus ənda njo kina dlədləɓə nə ka dzuku ka dzuku inda ku daɓədzər njir nəuwa, shili halhala, mahi'i halhala, nguli tlakala ana mavi'i.

Batəbatənyi, Bulus tə dəkətənyi nə Titus təkəra ngyar njir nəuwa, ənda nda ngya ku piyarɗufəu ana bazhikur, cha na nda təkəbiyadzə na shishi, kəpala, ana ngya pampam ku daɓədzər njir nəuwa.