Aku Mətləkunya kainau Bulus nə Timtawus, cha dəkətənyi dəma nə Timtawus nda tlakala, bazhi mər tlər nyi ana ndər vala nyi. Kəra ɓwanya nda kwa, nacha ngə səsə'ua.

Cha tsətə nyi fwal nə Timtawus ənda cha ma'i biyama na bəzə Yesu Kəristi na jiri, cha gəzəya dlədləɓə nə Mafakə Mənakə ana Ɗəɗəmər Alkawal, cha mər tlər nyi nə maləmkur ana bəzə mafakəu, aku dəhə ɓwaɓwatə ana məndza'u.

Cha tsau nyi bar nə Timtawus təkəra mwandəzhi nə gwa ku kəpala nə kəkəngkur ana tar zəndə nda a da kwa shili na mənakəkur wa, kəl nda cha səwandə nji'inda kwa səhimi da nda.

Aku dəhə sə'inga, nja ɗənghatə nyi nə Timtawus təkəra gyakəngyar ndər tsəfə na, cha ɗa ka ba'ada a nənyi, jirikur nyi, səsə'ua, nyida, mbahuɗəu, ana ɓwaɓwatə nda ku ɗa məndza'u.