18
Oseas, Elachi nao, peman wata Israel tobi mantanasa, Ezequías, Acachi nao, Judá tobi miya inue. 2 Yari palu chunca mante wata tato miya inue. Yachi ayanni Abi mumun jominue Zacaríachi nama. Junto Ezequíari palu chunca nue wata Jerusalén pueblobi mantanue. 3 Yari Miya Diosichi cate duque sen quinue yachi matu tata David cuwenta.Junni Ezequías Judá tobi miya josa, Asiria to miya, Senequerib mumun, Judá toca cachique quera quinue. Junni quera quinato, Asiria to miyari duque soldadolaca Jerusalenca erenue quicaalaquisa. Ya soldadola jato, Jerusalén quelote chudilainue quera quicaano podeichun.
28 Junni Asiria soldadolaca mantamin, ya Rabsaces wiruito duque sonba otinue. Jerale Jerusalén pueblobi chumin tsachilaca otito, israelítalachi fiquichi itsantinue:
—Nulari Asiria tobi duque mantá tan miya fiqui erecaca meralaquede! 29 Nulachi miya Ezequías nulabe itsantichunae: Asíriola chiquilabe quera quicaalaquinari, fe locaichunae tichunae. Junni tsantinaminca natiya quereilaitude! Nene pasa carilaquitude! Asiria miyari in puebloca tsacumin ichinae. Ezequías nulaca se larino podeituchunae. 30 Ezequías nulabe itsantichunae: Miya Diosica tennalarasa! Yari asíriola quilaquinasa isaichunae. Diosi Asiria miyachi soldadolaca in puebloca tsacumin isa carituchunae tichunae tinue. Junni Ezequías tsantinari, yaca meralaquituna! tinue.