3
Jaun₂ në́₃, ia₁ tsá₃ ma₃tián₂ jniaꞌ₅₄, ca₂rë₃ꞌŋió₃ bá₄ dsɨ₅ jŋia₁ guio₅₄ juɨg₂ Atenas.
2 Jaun₂ ca₂chen₅₄ jniaꞌ₅₄ Timoteo rɨnꞌ₅₄ ca₂i₁jɨin₁₂ ꞌniaꞌ₂, ia₁ i₂ma₂lɨ́n₅ quián₅ Diú₄ bá₄ ꞌéi₂, ia₁ jmo₂₃ ta₁ co₂lë₅ quianꞌ₅₄ jniaꞌ₅₄ a₂jme₂tɨin₂₃ dsa₂ jág₁ dse₃ quióꞌ₅ Cristo. Lé₂ le₃juáꞌ₂ ꞌéi₂ liaꞌ₂ tí₅ jág₁ cuë́ꞌ₃ bí₂ ꞌniaꞌ₂ a₂le₃ꞌénꞌ₂ guë́₄ ꞌniaꞌ₂,
3 ia₁jaun₂ ꞌi₁janꞌ₂ ꞌniaꞌ₂ tsá₃ dsɨ₃lén₂ cau₅ ꞌuɨg₅₄ a₂co₂ꞌein₅ dsa₂. Ia₁ ŋiꞌ₅₄ bá₄ ꞌniaꞌ₂ guiongꞌ₅₄, ꞌéiꞌ₃ në₅ tioꞌ₅₄.
4 Liaꞌ₂ conꞌ₂ jme₁tioꞌ₅₄ jniaꞌ₅₄ quianꞌ₅₄ ꞌniaꞌ₂ le₂jŋiá₅, ca₂juaꞌ₅₄ jniaꞌ₅₄ a₂tion₅₄ niog₅ ŋag₅₄ ꞌuɨg₅₄, jaun₂ le₂jaun₂ ca₂lë₃ në́₃, jaun₂ ma₂ŋiꞌ₅₄ bá₄ ꞌniaꞌ₂.
5 Jaun₂ lë₃, ia₁ tsá₃ ma₃tió₅ ꞌɨ₅ dsɨ₃, ca₂tsɨ́ng₂ dsa₂ ca₂i₁ŋag₁₂ ꞌa₂ liaꞌ₂ lë́₅ ma₂ꞌénꞌ₂ ꞌniaꞌ₂ tiongꞌ₅₄, ia₁ conꞌ₂ tsá₃ ŋó₅ në₁ca₂ꞌliogꞌ₃ i₂së₃dsen₃ a₂jmóꞌ₂ ꞌniaꞌ₂ cosa ꞌlɨgꞌ₅₄. Tsá₃ ma₃ta₁ tí₄ ta₁ quián₂ jniaꞌ₅₄, juaꞌ₅₄ meiꞌ₂ guë́₃ le₂jaun₂.
6 La₁ ma₂guánꞌ₅ bá₄ táng₃ Timoteo juɨg₂ Tesalónica, quion₂ jág₁ dse₃ ꞌénꞌ₂ bá₄ ꞌniaꞌ₂ jág₁ quióꞌ₅ Diú₄, ꞌnióꞌ₃ bá₄ ꞌniaꞌ₂ rɨ́ngꞌ₂ le₂jangꞌ₂ le₂jangꞌ₂. Juáꞌ₂ bá₄ ján₃, jmoꞌ₂ ꞌniaꞌ₂ ꞌioꞌ₂ a₂dsauꞌ₂ ꞌauꞌ₂ ꞌniaꞌ₂ jniaꞌ₅₄ ca₂le₃jë́₃ jmɨg₄, a₂ꞌɨ́n₅ ꞌauꞌ₂ ꞌniaꞌ₂ ꞌŋio₅ lɨn₃ jagꞌ₅₄ jniaꞌ₅₄, le₂jaun₂ bá₄ jniaꞌ₅₄ ján₃ juɨ₁liaꞌ₂ ꞌniaꞌ₂ ꞌɨ́n₅ dsɨ₅ jɨn₄ ꞌniaꞌ₂.
7 Jaun₂ le₂në₅, rɨnꞌ₅₄ jniog₄, të₃jë₄ uɨg₅ chong₂ ꞌɨ₅ dsɨ₅ jniaꞌ₅₄, la₁ ca₂ꞌág₂ liánꞌ₂ dsɨ₅ jniaꞌ₅₄ jme₁ca₂rë₃ne₄ ꞌa₂ liaꞌ₂ lë́₅ a₂ꞌénꞌ₂ ꞌniaꞌ₂.
8 ꞌIoꞌ₂ jein₅ jniaꞌ₅₄ chong₂ jme₁ca₂rë₃ne₄ tiónꞌ₂ bá₄ ꞌniaꞌ₂ tiá₂ të₂le₃ quióꞌ₅ Te₁guiꞌ₅₄.
9 Ca₂liaꞌ₂ tsá₃ ne₄ jniaꞌ₅₄ ꞌa₂ liaꞌ₂ cuë₅₄ ti₁ꞌmagꞌ₄ Diú₄ conꞌ₂ dsi₂ten₅₄ o₄quióꞌ₄ a₂ꞌioꞌ₂ jmo₂ jniaꞌ₅₄ le₃ne₄ Diú₄ quián₂ o₄quiánꞌ₂ ꞌniaꞌ₂.
10 Ca₂le₃jë́₃ dsɨ₅ bá₄ jniaꞌ₅₄ mɨ₂ liaꞌ₂ ꞌuë₂-jmɨ₂ ne₄ Diú₄ a₂cuë₃ jmɨg₄ dsɨ₁jɨn₁ ꞌniaꞌ₂, jaun₂ jme₁ꞌŋia₅ guë́₄ jniaꞌ₅₄ a₂ꞌnióꞌ₅ le₃tɨnꞌ₂ guë́₄ ꞌniaꞌ₂ a₂le₃ꞌéngꞌ₂.
11 ꞌNiog₂ jniaꞌ₅₄, Diú₄ Jmei₂ ꞌŋiog₅ quianꞌ₅₄ Te₁guiꞌ₅₄ Jesucristo, jme₃ꞌo₅₄ cuë₃ jmɨg₄ dsi₁náu₅ dsi₁jɨng₅₄ ꞌniaꞌ₂.
12 Juɨ₁jmo₅₄ bá₄ Te₁guiꞌ₅₄ juɨ₁dsi₂cón₃ a₂jme₁ꞌnióꞌ₄ guë́₄ ꞌniaꞌ₂ rɨ́ngꞌ₂ le₂janꞌ₂ le₂janꞌ₂ ꞌniaꞌ₂ quianꞌ₅₄ ca₂le₃jɨ́n₃ guë́₄ juɨ₁ꞌein₂ guë́₃ dsa₂ juɨ₁liaꞌ₂ ꞌnio₃ jniaꞌ₅₄ ꞌniaꞌ₂.
13 Juɨ₁jmo₅₄ bá₄ Diú₄ ꞌag₃ tiá₂ ꞌauꞌ₂ ꞌniaꞌ₂, lénꞌ₂ ꞌniaꞌ₂ dsa₂ i₂ma₂lë́₅ ꞌí₁ quiáin₅a\f*