Sha'ul otaneltok pa Yehshwa
9
Wan Sha'ul kinmiliyaya kampa melak kinmiktiskya ak yehwante taneltokaloya pa in Tats.
Kampa in oy okit in totatsWe,
2 okitahtan pa kimakaskya amatTakwihkwilolme,
pa kinwikiliskya yehwante kipiyaloya poderoliste pa in nityopalmeYudiyo' yehwante katkaloya pa in Wepweblo Damaskos ta Sha'ul kinamikiskya se yewal kitok ni'ot Yehshwa,
hanwel ta yeskya takat wan siwat kiwikaskya pa kitsakwaloskya Yerushalém.
3 Kimani katkaya amo wEhka pa asiskya Damaskos,
pa haniman se tawilisteWe ka tapitaniliste pa in ilwikak okiyawal.
4 Wan owets pa tal Sha'ul,
okikak se tahtol kiliyaya:
—Sha'ul,
Sha'ul,
Pates tinishtohtokatik?
5 Wan Sha'ul kitahtanili:
—Ak tewal,
Tats?
Wan in tahtol kinankili:
—Newal niYehshwa,
in ak tewal tiktohtokatik.
6 Shimokets wan shikalak pa in Wepweblo,
ompa michiliske ten monek pa tikchiwas.
7 Wan inik takam yehwante yaloya inak Sha'ul ompa katkaloya,
amokwal kina tahtoloskya kikakiloya in tahtol ma yok amo'ak kitaloya.
8 Kwakin omokets Sha'ul kaha katkaya pa in tal,
kimani nishtololwam kinishtapowaya amoten kitaya.
Kwakin in takam kikitskik pa nimahwam wan okiwikak pa Damaskos.
9 Wan oye pa yey tonatim amo tachiyaya,
amo takwaya wan amo takoniya.
10 Katkaya pa Damaskos se moneshtili itoka HananYah,
in yewal Tats Yehshwa okinots,
kampa tachiyaya kina tatimiktiyaskya:
—HananYah!
Wan yewal kinankili:
—Nika ni'onka,
Tats.
11 Wan in Tats Yehshwa kili:
—Shimokets shi pa in ot itok Melahka,
shiktem nikal se takat itok Yudas,
ompa shitahtan in takat itok Sha'ul yewal pa in Wepweblo Tarso.
Yewal kitahtoltitik Dyos,
12 okipi tachiyaliste kina tatimiktiyaskya yewal okit se takat yewal itokaya HananYah,
yewal kalaki wan kitalili nimahwam ipa yewal pa tachiyaskya oksep.
13 Kwakin HananYah,
kinankili:
—Tats,
kampa nitakak miyak taketsaliste amokwal ika in takat kampa hyero kichiptinem ika momasewalme taneltokalme pa Yerushalém.
14 Wan nika kipi chikawaliste ka inik TotatsimWehwe pa kintsakwaskya moshte yehwante mishnotsal ka mo'itokaliste.
15 Ma yok in Tats kili:
—Shi,
kampa newal onikonan in Sha'ul pa nishtekipanolis pa kintakichilis nahnewal ka no'itokaliste pa moshte yehwante amo yudiyo' ka in ininweReye',
pa inintal wan ininmasewalme Isra'El.
16 Kampa newal nikneshtilis Sha'ul kishki miyak panos takokoliste ka no'itokaliste.
17 Kwakin oy HananYah,
wan okalak pa in kal kaha katkaya Sha'ul.
Wan kitalili nimahwam ipa yewal kili:
—Nonohni Sha'ul,
onishtake in TATS,
yewal omoneshti ka tewal pa ot kaha tiwalaya,
onishtake pa nikchiwas pa titachiyas oksep wan pa timotimiltili in EspirituSanto.
18 Haniman pa nishtololwam Sha'ul walwetsiyaya kina mich nitomitonte,
haniman oksep waltachi.
Wan omokets wan oye takwatekil.
19 Kwakin otakwa wan yok okonan chikawaliste,
omoka sek tonatim ompa ka in taneltokalme pa Kristo yehwante katkaloya pa Damaskos.
Sha'ul kintakichili masewalme pa Damaskos nitamashtilisteKwal Kristo
20 Wan haniman okintakichil nitamashtilisteKwal pa inintyopalmeYudiyo',
kinmiliyaya kampa Yehshwa katka nikonDyos.
21 Moshte yehwante kishki kikakiloya motapololtiloya,
wan kitoloya:
—Amo in takat yewal kintakokoltiyaya pa Yerushalém yehwante ka inintanotsaliste ka ni'itokaliste Yehshwa?
Hanwel amoyok walaya pa kinwikaya ta'ilpilme pa kintemakaskya ka in TotatsimWehwe?
22 Ma yok Sha'ul taketsaya ka miyak chikawaliste,
wan amo kimatiloya kikakiloya inik yudiyo' yehwante mochantiloya pa Damaskos,
kinneshtiliyaya kampa Yehshwa katka in Kristo.
Sha'ul cholo pa amo kimiktiloskya in yudiyo'
23 Wan kimani panok myak tonatim,
in yudiyo' motalik taketsak kina kwal kimiktiloskya Sha'ul;
24 ma yok okimat Sha'ul in ten kinekiloya kichiwililoskya yehwante,
pa tahka wan pa tayo kikwitawiloya in tatapoli pa in Wepweblo pa yok kimiktiloskya;
25 ma yok inik nimoneshtililme okiwikak pa tayo wan okitemowik pa se kakashte ka se mekat pa in tatsakwal pa Yerushalém.
Sha'ul pa Yerushalém
26 Kimani o'as Sha'ul pa Yerushalém,
wan kinekiya moneloskya ka in moneshtililme;
wan moshte kimakasiloya yewal,
amo kineltokaloya kampa melak katka se nimoneshtilil Kristo.
27 Ma yok,
BarNabás okichi pa okiwik wan okintenewil inik tatitanilme.
Wan okintakichil yehwante kina Sha'ul,
kitaya pa in ot in TATS kina yewal okitakichil.
Niyok kinmili kina pa Damaskos amo momaptiyaya kina kintakichiliyaya nitamashtilisteKwal ka ni'itokaliste Yehshwa.
28 Yok omoka Sha'ul ka yehwante,
wan nihnentimen kaha han pa Yerushalém wan taketsaya ni'itokaliste in TATS amo tamakasiyaya.
29 Wan amo momaptiyaya kwah taketsaya wan kinahwaya ka inik yudiyo' ka tahtol gereko;
wan yehwante kinekiloya kimiktiloskya Sha'ul.
30 Kimani okimatik ininnohniwan taneltokalme,
wan kiwikak Sha'ul pa Kaysareya,
ompa okititanik pa in pweblo Tarso.
31 Kwakin inik tanichikolme taneltokalme pa in tal Yudaya,
wan Galileya wan pa in tal Samarya,
wan moshte kipiyaloya sewiliste wan yoliloya ka tamawishtiliste pa in TATS,
wan mochiptiyaloya miyak ka nitapalewiste in EspirituSanto.
Petros kipahti Áyne'as
32 Kampa Petros panowaya pa miyak pweblo' wan oy okinpashal inik nita'onanalme taneltokalme pa Dyos yehwante mochantiloya pa Lida.
33 Ompa okit se takat itok Áyne'as,
in kipiyaya chikweyi shiwim,
tastikatkaya pa se tapeshte yewal amo nehnemiyaya.
34 Wan Petros kili yewal:
—Áyne'as,
Yehshwa-Kristo mishpahti.
Shimokets wan shikso motapech wan haniman omokets.
35 Wan okitak moshte yehwante ompa mochantiloya pa Lida wan pa in tal Sharón,
moshte taneltokak pa in Tats Yehshwa.
Dorkas yoli oksep
36 Katkaya pa Yope se siwat niTaketsal nitahtolDyos,
itoka Tabita,
ka in tahtol gereko kinek kitos Dorkas.
Yewal hanse tonatim kichiwaya ten kwal wan kinpalewiyaya miyak yehwante amoten kipiyaloya.
37 Pa in tonatim omokok wan omik;
Kwakin ki'altik nimihki wan okiwikak okitalik pa se kalitik ompa takpak.
38 Inik moneshtililme katkaloya Yope amo wEhka pa Lida,
kimatik kampa Petros katkaya pa Lida;
okintitanik omente takam ka Petros pa kililoskya:
—Amo shiwehkA shiwal ka tehwante.
39 Haniman omokets Petros.
Oy ka yehwante kwah o'as pa Yope kiwikak pa in se kalitik ompa takpak wan walak ka Petros inik siwam inintakam mihmihke,
chokatikatkaloya wan kineshtililoya in shashalme wan takemtil yewal kintsomaya kwah yoltikatka Dorkas.
40 Kwakin okinkisti Petros moshte pa kiyawak,
wan omotankwakets okitahtolti Dyos;
kwakin omomalin Petros kaha katka in mihki,
kito:
—Tabita,
shimokets.
Wan yewal okinishtap nishtololwam,
okit Petros wan omotal.
41 Kwakin Petros okimak nimahwa pa kipalewiskya pa moketsaskya;
Dorkas.
Kwakin okinnots yehwante okinonanDyos wan inik siwam inintakam mihmihke,
wan okineshti yolki.
42 Wan kimatik moshte masewalme pa Yope,
wan miyak taneltokak pa in Tats Yehshwa.
43 Wan Petros omoka pa Yope sek tonatim,
pa nikal se itoka Shimón yewal kiyokshiti kwero.