Wan pa in se tonat kintohtokaloya pa kinkitskiloskya yehwante taneltokaloya pa Yehshwa-Kristo pa Yerushalém.

Moshte,

pa in tyopalme ocholok,

mosemanak kaha han pa in tal Yudaya wan pa in tal Samarya.

Hanwel in tatitanilme mokawak pa Yerushalém.

2 Sek takam taneltokalme pa Dyos okitapachok Estepan wan okichokilik hyero miyak.

3 Wan Sha'ul kinkokoltiyaya inik tanichikolme taneltokaloya pa Kristo,

kalakiyaya pa inik kalme wan kinkitskiyaya takam wan siwam wan kintemakaya pa kintsakwaloskya.

4 Ma yok inik yehwante oyek tasesemanalme tamashtiloya nitamashtilisteKwal Yehshwa-Kristo pa kaha han yaloya.

5 Wan Pilipos,

otem pa in Wepweblo Samarya,

ompa kintakichiliyaya nitamashtilisteKwal ka Yehshwa-Kristo.

6 Wan myak masewalme monichikoloya wan moshte takaktikatkaloya amo nawatiloya in ten kinmiliyaya Pilipos,

wan kitaloya inik tachiwaliste ka taneshtiliste yewal kichiwaya ka nichikawaliste Dyos.

7 Myak masewalme yehwante kipiyaloya yehyekatim kahkatsawak mokawaloya tapahtilme,

in yehyekatim kahkatsawak tsatsiloya kongana;

kwah kisaloya wan miyak yehwante amokwal moliniloya wan yehwante amokwal nehnemiloya mokawaloya tapahtilme.

8 In masewalme pa in Wepweblo kipiyaloya miyak pakiliste.

9 Wan ompa katkaya se takat itoka Shimón yewal kichiwaya tashoshaliste wan kintapololtiyaya in masewalme pa Samarya,

kampa yewal katka se takat hyero we tamatiya.

10 Moshte masewalme tihtipichim wan wehwe kikakiloya,

wan kitoloya:

—In takat kipi in ten kitokayoltil niwe poderoliste Dyos.

11 Moshte kineltokaloya pa miyak shiwim kampa motapololtiloya ka mochi in ten kichiwaya ka in tashoshaliste.

12 Pa kimani kineltokaloya Pilipos kintakichiliyaya in nitamashtilisteKwal Dyos pa kimatiloskya nireynaroliste Dyos wan in ni'itokaliste Yehshwa-Kristo,

wan mokwatekiloya takam wan siwam.

13 Wan Shimón niyok otaneltok wan oye takwatekil,

kwakin kitokatinemis hanse Pilipos,

wan kinmitaya taneshtiliste wan tachiwaliste ka taneshtiliste wehwe yewal Pilipos kichiwaya.

14 Kimani kimatik inik tatitanilme pa Yerushalém kampa yehwante pa in tal Samarya taneltokaloya pa nitahtolmeDyos,

okintetanilik Petros wan Yuhanes.

15 Inik yehwante temoloya pa Samarya okitahtoltik Dyos pa inik yehwante taneltokaloya pa kitenamikiloskya in EspirituSanto.

16 Kampa ayamo'ok kipiyaloya pa amo'ak ka yehwante in EspirituSanto,

hanwel katkaloya takwatekilme ka ni'itokaliste Yehshwa-Kristo.

17 Kwakin Petros wan Yuhanes kintalilik ininmahwam wan yehwante,

kitenamikik in EspirituSanto.

18 Kwah okit Shimón kampa ka yewal kintalililoya ininmahwam,

inik tatitanilme temakaloya in EspirituSanto wan okinteniwil tomi yehwante,

19 wan kintahtani:

—Shinishmakak newal niyok in poderoliste,

kampa pa moshte aki han newal niktalilis nomahwam kitenamikis in EspirituSanto.

20 Kwakin Petros kili:

—Shi shimik ka motomi,

pates yok titamatitik pa timokowilis ka tomi in ten Dyos temak.

21 Tewal amo tikpi amoten ka in tekipanoliste,

kampa pa moyol amo tikpi melawaliste ni'ishpa in Dyos.

22 Ashka shihkwepak anmota'ilnamikiliste wan shihneshtik kampa kikweptikat anmoyolme ka Dyos ka anmotachiwaliste kwahkwalme pa mochi in ten amokwal tikchi wan shiktahtan in TATS kampa ta kwal yeskya pa mishihniliskya tewal ka in ten titamat pa moyol.

23 Kampa nimichit tewal ka kwalaniliste pa moyol wan mishpi ta'ilpil ta'ihtakoliste.

24 Kwakin Shimón kito:

—Shiktahtanik pa newal in Tats,

pa amoten nishpanos,

in ten yewal anmehwante ankitol.

25 Yehwante kintakichilik ipa in ten kimatiloya melawak kampa kitaloya ka Yehshwa-Kristo wan kintakichililoya nitahtolmeDyos,

kwakin walmokwepaloya pa Yerushalém.

Pa in ot panoloya pa myak ranchito' pa in tal Samarya taketsaloya nitamashtilisteKwal Dyos.

26 Wan se nitanawatilanhel in Tats pa in takpakIlwikak kili Pilipos:

—Shimokets wan shi kaha tatsintaSur,

shikonan in ot yewal kis ompa pa Yerushalém wan temo pa Gasa.

In ot yewal pano kaha tawak.

27 Kwakin omokets Pilipos opanoti;

wan okit se takat yewal mochantiyaya pa Etyopya.

In takat katka se ewnuko^a katka tanotsal we nitekipanol weRey siwat itoka Kandake yewal reynarowaya pa in tal Etyopya,

in kikwitawiliyaya mochi nitomi yewal.

In takat ewnuko walaya pa Yerushalém pa kitankwaketsaliliskya Dyos.

28 Ashka mokweptiyaya pa Etyopya wan yowatiyaya pa niyawaltik tatilanal ka kabayo',

wan momashtitiyaya ka in amatTakwihkwilol yewal kikwihkwilo niTaketsal nitahtolDyos YeshaYah.

29 Kwakin in EspirituSanto kili Pilipos:

—Shimo'asilti pa in yawaltik tatilanal ka kabayo'.

30 Wan yok motalo Pilipos wan okikak in takat in ten momashtitiyaya pa ni'amattakwihkwilol YeshaYah niTaketsal nitahtolDyos.

Wan Pilipos kitahtanili:

—Hanwel tihmat ten kinek kito in yewal timomashtitik?

31 Wan in takat ewnuko kito:

—Kina nihmati ta amonka amo'ak pa nishnawatis?

Kwakin kitahtani Pilipos pa takisaskya pa in yawaltik tatilanal ka kabayo' pa motaliskya inak.

32 In takwihkwiloli ika ni'ama in TatsDyos yewal momashtitikatka katka in:

34 In takat ewnuko kitahtanili Pilipos kili:

—Nimishtahtani tewal,

ak in se yewal tahtotik niTaketsal nitahtolDyos,

yewal isel,

hanwel okse?

35 Kwakin Pilipos okipewalti taketsaliste ka in takwihkwilol ni'amaDyos wan kitakichiliyaya nitamashtilisteKwal ka in Yehshwa.

36 Kina yaloya pa in ot,

asik kaha katka at,

wan in takat ewnuko kito:

—Shikit tewal.

Nika onka at;

Ten nishtsakwili pa niyes takwatekil newal?

37 Wan Pilipos kili:

—Ta tamelak titaneltok pa moyol,

kwal timokwatekis.

Kwakin in takat ewnuko kinankili:

—Nitaneltok kampa in Yehshwa-Kristo yewal nikonDyos.

38 Wan otatake pa kiketsaloskya in yawaltik tatilanal ka kabayo';

wan temok in omente pa in at,

Pilipos wan in takat ewnuko wan Pilipos okikwatek.

39 Kimani kisak pa in at,

wan ni'Espiritu in Tats okipololti Pilipos,

wan in takat ewnuko yahmo okit;

ma yok yawiya pa ni'ot ka miyak pakiliste.

40 Ma yok Pilipos omo'it pa in Wepweblo itok Ashdod,

wan ompa kintakichiliyaya tamashtilisteKwal,

pa Dyos pa mochi inik Wehwepweblo' yewal panowaya yok o'as pa Kaysareya.