Mopalewiyaya Estepan ininishpa yehwante tahosgarol in tanichikolme tatakewalme yudiyo'
7
Kwakin in totatsWe kili Estepan:
—Melak in yewal kitol?
2 Wan Estepan kito:
—Nonohniwan taneltokalme wan totahwan,
shinishkakik.
In totawiliste Dyos omoneshti ka totats AbRaham katkaya pa in tal itok MesoPotamya,
kwah ayamo'ok mochantiyaya pa in tal itok Harán,
3 Dyos kili:
“Shihka motal wan inik moparyente,
wan shi pa in tal yewal newal nimishneshtilis.”
4 Kwakin okis pa inintal in kaldeyo',
oy omochanti pa Harán.
Kwah omik nitats,
Dyos okwalik AbRaham pa mochantis nika pa in tal,
kaha anmehwante anmochantitikat ashka.
5 Dyos amo okimak in tal pa yeskya niyashka ni han tipit kaha kitaliskya nitankwa;
ma yok kitenewili pa kimakaskya mochi in tal pa mokawiliskya pa yeskya ininyashka yewal wan nikolinchim;
kampa AbRaham ayamo'ok kipiyaya nikon.
6 Kwakin in TatsDyos kili AbRaham:
kampa mokolinchim yaske mochantiske pa se tal yewal amo inintal,
pa in tal kintekipanoltiske amo kintashtawiliske wan hyero kinkokoltiske,
pa 400 shiwim.
7 Ma yok Dyos kili:
“Newal niyok nikinchiwilis takokoliste inik masewalme pa in tal yehwante kintekipanoltitikat kat kina tatsakwalme,a
kimani panos in mokolinchim kisaske ompa wan nishtekipanoliske newal nika.”
8 Kwakin okichi Dyos taketsalisteYankwik,
ka taneshtiliste in takotonili nikwerit kaha mashishal.
Kwakin AbRaham okitakatilti Itsak,
yewal kikotonili nikwerit kaha mashishal kwah kipiyaya chikweyi tonatim takatil,
ni'itokaliste nikon katka Itsak,
wan Itsak yok okichi ka Yakob wan Yakob yok okichi ka inik 12 ininpilwam.
9 ’Wan Yosé katka in se tanichikol Isra'El nikon Yakob,
kina ninnohniwam kikwalanililoya kinamakak kina se tekipanol amo kipi tashtawiliste pa in tal Egipto.
Ma yok Dyos katka inak Yosé,
10 wan okikisti pa mochi nitakokoltiliste yewal panowaya,
wan Dyos okimak tamatiliste pa i'ishpa para'ó,
in weRey pa Egipto wan okichi pa yeskya nireynaroliste wetatakewan pa in tal Egipto wan pa moshte yehwante katkaloya pa nikal para'ó.
11 ’Kwakin owal se mayanaliste pa mochi in tal Egipto wan pa tal Kanán,
katka miyak mayanaliste wan towichalme amo kipiyaloya takwaliste.
12 Kwakin otakak Yakob kampa katkaya trigo pa Egipto,
kwakin okintitan ininpilwam yehwante yek towichalme.
Ina yewal katka in se ta'ishpa kampa yaloya pa Egipto.
13 Kimani oksep Yakob okintitan pa Egipto,
wan Yosé omoneshti ka ninohniwan kampa yewal katka ininnohni wan yok okimat para'ó kaha walaloya nikolinchim Yosé.
14 Kwakin Yosé okintitan ninohniwan pa kwalikaloskya Yakob wan moshte yehwante ompa mochantiloya pa nikal,
katkaloya 75 masewalme.
15 Yok otem Yakob pa in tal Egipto,
kaha omik,
wan niyok towichalme.
16 Wan okinwikak ininmihmihke pa Sikem,
wan ompa okintalik kahakoyonkeTeshkal yewal kinkowili AbRaham ka tomiPlata ininpilwam Hamor pa Sikem.
17 ’Astiwalaya in tonatim pa monamikiskya ka in tahtol melawak ten kitiniwiliya Dyos AbRaham,
wan momiyaptitiyaloya myak masewalme isra'elita' pa Egipto.
18 Kwakin o'as okse weRey pa in tal Egipto in weRey amo kimatiya amoten pa Yosé.
19 In weRey kinkwamanaya tomasewalme,
wan kinkokoltiyaya towichalme wan okinchiwalti pa kinkawaloskya iselte ininpilwam,
yehwante takatiloya pa yok mikiloskya.
20 Pa inik tonatim otakat Moshé.
Wan Dyos kwal okit okitasot,
wan pa yey meste oye inak nitahwan.
21 Kimani okikawak piltonte,
nikonSiwat para'ó okipehpen wan oki'apa kina nikon.
22 Wan kitenamiki Moshé inintamatiliste egiptiyo',
wan kipiyaya chikawaliste ka nitahtolme niyok ika ten kichiwaya.
23 ’Kimani oki'asilti 40 shiwim,
oki'as tamatiliste pa niyol pa yaskya kinpashaloskya ninohniwan,
isra'elita'.
24 Wan okit se egiptiyo kitehteptikatka se takat yudiyo.
Moshé oy okipale wan okikwepil ka miktiliste in egiptiyo.
25 Moshé tamatiya kampa ninohniwan isra'elita' kimatiloskya kikakiloskya kampa Dyos kinkistiskya pa Egipto ika yewal;
ma yok yehwante amo kimatik kikakik.
26 Pa mostatik,
okinmit Moshé omente isra'elita' momiktitikatkaloya,
wan kichiwaya pa mokawaloskya ka sewiliste,
kinmiliyaya:
“Takam anmehwante ankat anmonohniwan;
pates anmomiktitikat se ka okse?”
27 Ma yok yewal momiktitikatka ka ninihni in walmomalin okitope Moshé,
wan kili:
“Wan ak mishnots tewal pa tiyes se wetatakewan wan se hwes ipa tehwante?
28 Hanwel yok tihnek tinishmiktis newal,
kina yalwa otihmikti in takat egiptiyo?”
29 Kwakin Moshé okikak in tahtol,
ochol wan oy omochanti pa in tal itok Midyán.
Se tal yewal amo nital,
ompa omonamikti okinpi ome ininpilwam.
30 ’Wan kipiyaya ompa 40 shiwim,
omoneshti se nitanawatilanhelDyos ka yewal pa in se tal kaha tawak,
amo wehka katka in tepetLom itok Sinay,
pa se kwawitWiste tatatitikatka.
31 Wan Moshé motapololtiyaya kampa tachiyaya kina tatimiktiyaskya,
omo'asilti pa kitaskya kwal,
okikak nitahtol in TATS yewal kitowaya:
32 “Newal ininDyos mowichalme,
niDyos AbRaham,
wan niDyos Itsak wan niDyos Yakob.”
Moshé moyoyokatikatkaya,
wan amo mochikawaya pa kitaskya.
33 Kwakin in Tats kili:
“Shikinkisti mowarachim pa mokshiwam,
kampa timoketstik pa in tal kaha tatatsot.
34 Melawak onikit kina moyokoltitikat nomasewalme isra'elita' pa Egipto,
wan onikinkak kina tsatsitikat ka takokoliste.
Wan nitemos pa nikinkistis ompa wan ashka shiwal,
newal nimishtitanis pa timokwepas pa Egipto.”
35 ’In Moshé,
in yewal isra'elita' amo okinekik wan kililoya:
“Wan ak mishnots tewal pa tiyes se towetatakewan wan se hwes?”,
ma yok Dyos okititan pa yeskya se wetatakewan wan pa kinmakawaskya in isra'elita',
ka nichikawaliste in tanawatilanhel pa ilwikak yewal omoneshti pa in kwawitWiste tatatitikatkaya.
36 In Moshé okinkisti in isra'elita' pa in tal Egipto,
kichiwaya kampa motapololtiloya wan nesiloya taneshtiliste ka chikawaliste pa Egipto pa in wehwe'atim chichiltik,
wan pa in tal kaha tawak pa kwarenta shiwim.
37 Yewal in se Moshé kinmili yehwante isra'elita':
“Dyos tishwaltitanili pa takatis se niTaketsal nitahtolDyos ika tehwante,
pa tonohniwan taneltokalme yewal yes kina newal.”
38 In Moshé katkaya ka towichalme pa in tal kaha tawak,
wan okintakichil mochi tanawatilisteKwal yewal nitanawatilanhelDyos kiliyaya pa in tepetLom itok Sinay,
wan akyewal kinonan tahtolme timakal yoliliste pa tishnawatiskya.
39 ’Ma yok towichalme amo okineltokak Moshé,
amo okinekik kikakik hanwel kinekiloya mokwepaloskya pa Egipto.
40 Kwakin kilik Arón:
“Shitishchiwil dyose' pa yaptiyaske to'ishpa;
kampa amo tihmatil ten okipan Moshé yewal otishkisti pa Egipto.”
41 Kwakin pa inik tonatim kichiwak se mono nesiya kina se beserro,
wan kiwalikilik tamiktiliste ka tachichinoliste in mono,
wan kipiyaloya pakiliste kampa kichiwak in beserro ka ininmahwam.
42 Kwakin Dyos opanoti ka yehwante,
wan okinka pa kintankwaketsaliloskya in sitalme pa in ilwikak,
kampa yok onka pa in amat yehwante nitakwihkwilolme niTaketsalme nitahtolmeDyos:
Pates anmehwante nimasewalme Isra'El,
amo annishwalikilik temakaliste wan amo nishtenewilik tamiktiliste ka tachichinoliste
pa 40 shiwim pa in tal kaha tawak?
43 Ma yok ankimamtiyaloya in kalWe tachiwali ka tilma itskat pa kililoskya tahtolme wehwe Molok,
wan in nitakopinal sital in dyos itok Rempan.
Inik katkaloya mono' yehwante ankinchiwak pa ankintankwaketsaliloskya.
Kampa yok newal annimishtitanis wEhka achompa pa Babilonya.
44 ’In kalWe tachiwali ka tilma itskat,
kaha kinahkokiloya in tabla nitakwihkwiloliste Dyos katkaya inak towichalme pa in tal kaha tawak,
kaha Dyos kili Moshé,
pa yok kichiwaskya kina okineshtil.
45 Towichalme okonanak in kalWe tachiwali ka tilma itskat katka tatasot,
in oye temakal pa inik tonatim ka YehoShu'a wan ompa oye inak yehwante pa inik tonatim kimani omokawilik inik talme ka in oksek pweblo,
yewal Dyos okinkistil yehwante ompa mochantiloya.
Yok oye pa inik han tonatim pa weRey Dawid.
46 In weRey Dawid kipiyaya pakiliste ka ta'ihniliste pa Dyos,
wan okitahtan pa kimakawaltiskya pa kichiwaskya se tyopWe pa niDyos Yakob;
47 ma yok katka Salomón nikon Dawid yewal okikalchiwil Dyos niTyopWe.
48 Ma yok in Dyos HyeroTakpak amo mochanti pa in tyopalme yehwante kinchiwak masewalme.
Kina kito niTaketsal nitahtolDyos:
49 In takpakIlwikak han kan kaha nimotalis,
wan in tal han kan kaha nikintalis no'ikshiwalme.
Ten kal annishchiwiliske pa newal?
kito in TATS,
hanwel nishteshmonek se kal kaha nimosewis?
50 Hanwel amo nomahwam okichiwak inik mochiten?
51 ’Anmehwante ankipiyal anmoyolme chikawak,
anmomatil kina yehwante amo ki'ishmatil Dyos.
Amo ankimatil takakil wan anmehwante hanse ankat ika in EspirituSanto.
Yok kina momatiloya anmowichalme.
52 Pa kati inik niTaketsalme nitahtolmeDyos amo ankintohtokaloya inintowichalme?
Yehwante kinmiktik inik taketsaloya kampa walaskya in takat yewal amo kipi ta'ihtakoliste hanwel Chipawak,
wan yewal in takat anmehwante ankitemakak,
wan okimiktik.
53 Anmehwante ankipiyaloya nitahtolmeDyos ipa nitanawatilanhelme,
wan amo kinekik kikakik.
Kimiktil Estepan
54 Kwah okikakik in mochiten,
hyero mokwalantiloya wan kahkakistiloya inintankochowam ika yewal.
55 Ma yok pa niyol Estepan,
omokawil miyak in EspirituSanto,
yewal tachiyaya pa in takpakIlwikak,
okit nitawilisteKwal Dyos,
wan ompa moketstikatka Yehshwa pa nimahwaKwal Dyos.
56 Kwakin Estepan,
kito:
—Shikitak!
Nikitatik tapotik in takpakIlwikak wan in NitakaTakpakIlwikak moketstik pa nimahwaKwal Dyos.
57 Kwakin tsatsiloya hyero chikawak wan kintsahtsakwak ininnakaswam wan moshte monichikok kaha yewal.
58 Wan kikistiloya pa kiyawak pa Yerushalém;
kimohmotaloya wan inik kitoloya kampa kimatiloya kampa melawak kitaloya Estepan yewal ininshashalme kikawililoya in se takatYankwik itok Sha'ul pa kinkwitawiliskya,
59 kimani kimohmotaloya,
Estepan yewal kinotsaya ka ni'itokaliste Dyos wan kitowaya:
—Tats Yehshwa,
shikonan no'ihyo.
60 Kwah omotankwakets otsats chikawak kito:
—TATS,
amo shikinteshpawil ika yehwante ininta'ihtakoliste.
Kwah otam okit in,
walmik.