Kinonanal chikome takam tapalewilme
6
Pa inik tonatim,
momiyaptitiyaloya inik moneshtililme,
ma yok inik yehwante tahtoloya gereko' kwalantikatkaloya ka inik tahtoloya hebreteko',
kampa in siwam inintakam mihmihki amo katka ak pa kintamakaskya pa hanse tonatim.
2 Kwakin in 12 tatitanilme kinnotsak pa monichikoloskya moshte in taneltokalme,
kinmilik:
—Amokwal onka kampa tehwante tatitanilme pa tihkawaske nitamashtiliste nitahtolmeDyos pa tikintakistiliske ten kikwaske.
3 Yok yewal nonohniwan ika anmehwante shimotemok ka chikome takam inik mo'ishmatil ka inintachiwaliste kwal,
yehwante tatimiltilme ka EspirituSanto,
wan inintamatiliste kwal pa kichiwaske in tekipanoliste.
4 Yok tehwante tiyaske tiktahtaniske Dyos wan titekipanoske pa tikinnawatiske moshte nitanawatiliste Dyos.
5 Kwakin moshte kitak kampa kwal katka in tahtolme,
wan okonanak Estepan,
se takat ka miyak taneltokaliste pa Dyos wan omotimiltil in EspirituSanto,
wan Pilipos,
Perókoros,
Nikanor,
Timón,
Pármenas wan NikoLa'os,
se yewal mochantiyaya pa in Wepweblo Anti'okya yewal omochi ka nitaneltokaliste yudiyo'.
6 Yehwante kinwalikak ininta'ishpa ka inik tatitanilme,
kitahtoltiloya Dyos pa yehwante wan kintalilik ininmahwam.
7 Wan nitahtolmeDyos momiyaptiyaya,
wan miyak taneltokaloya pa Yerushalém,
wan niyok miyak TotatsimWehwe yudiyo' taneltokaloya pa Kristo.
Kikitskil Estepan
8 Wan Estepan katka tatimiltilil ka in ta'ihniliste wan in chikawaliste Dyos,
kichiwaya wehwe taneshtiliste wan tapololtiliste wan kichiwaya pa moneshtiloskya ininishpa masewalme.
9 Kwakin sek yehwante pa in tyopYudiyo katkaloya itokalme tamakawalme,
wan katkaloya oksek yudiyo' yewal inintal itok Kirene,
wan oksek pa in Wepweblo Alesandríya,
wan oksek pa in tal itoka Kilikya wan pa in tal itoka AsíYah,
wan moshte yehwante waltahtoloya ka kwalaniliste inak Estepan;
10 ma yok amokwal kina kitanililoskya ka nitamatiliste,
yewal kimakaya in EspirituSanto yewal tahtowaya Estepan.
11 Kwakin kintashtawilik sek takam,
pa tikwamanaloskya pa kitoloskya otihkakik yewal taketstikatkaya ika Moshé wan ika Dyos.
12 Yok kinkwalantitikatkaloya in masewalme wan in Abwelolme Wehwetsim wan Tamashtinilme NitanawatilMoshé;
wan kikitskik Estepan,
wan kiwikak kaha tahosgaroloya in tanichikolme tatakewalme yudiyo'.
13 Kintalik sek pa tikwamanaloskya kampa kitoloskya kampa kimatiloya kampa melawak kitoloya,
ika Estepan kitoloya:
—In takat amo kimakawalti hyero takets ika in tasotili tyopWe wan ika NitanawatilMoshé.
14 Kampa tihkakik yewal kitowaya kampa in Yehshwa in nasareteko kishitinis in tyopWe tasot wan kichiwas oksek taneltokaliste yewal otishkawil Moshé.
15 Wan moshte yehwante ompa yowatikatkaloya,
kaha tahosgarol in tanichikolme tatakewalme yudiyo' okitak nishayak Estepan,
kina se nishayak nitanawatilanhelDyos.