—HananYah,

pates otihka Satan pa kalakiskya pa moyol pa tikchiwaskya tekwamanaliste ka in EspirituSanto pates otimokawil tipit in tomi yewal mishtashtawilik ka in kwahmil?

4 In kwahmil katkaya pa tewal?

Pa kimani ayamo tihnamakaya,

kampa pa tewal katka in tomi?

Pates yok otikchi in?

Amo otikinkwaman takam,

hanwel Dios.

5 Kimani HananYah,

okikak in tahtolme owets mihke.

Wan moshte kishki kimatik hyero momaptik.

6 Kwakin omoketsak sek takamYahyankwik,

kilyarok nimihke wan okiwikak okitapachok.

7 Kina pa yey ora takwitap,

okalak nisiwa yewal amo kimatiya ten panowaya.

8 Wan Petros kitahtanili:

—Shinichil,

kishki ka ankinamakak in kwahmil?

Wan yewal kinankili:

—Haha,

yok ka tihnamakak.

9 Wan Petros kili:

—Pates anmotalik ka in tahtoliste tewal wan motawikal pa ankichiwaloskya tikwamanaliste ka in EspirituSanto?

Shikit,

mokaktiwalal pa in tatapoli nikshiwan inik yehwante kitapachok motawikal;

wan ashka niyok tewal mishwikaske.

10 Wan haniman owets mihke Sapíra pa nikshiwam Petros.

Wan kimani kalakik in takamYahyankwik okitak mihke,

wan okikistik kiwikak kitapachok kaha tapachotikatka nitawikal.

11 Wan katkaloya ka se tamaptiliste hyero we,

ipa moshte in taneltokalme wan ipa moshte yehwante momashtik ika yewal ten panowaya.

12 Wan ka nimahwam in tatitanilme kinchiwaloya miyak taneshtiliste wan tapololtiliste ka in masewalme;

wan moshte kishki taneltokaloya monichikoloya pa in tyopWe ka nitatapoli Salomón.

13 Ma yok in oksek yehwante amo taneltokaloya amo monichikoloya inak yehwante,

ma yok in masewalme kinmawishtililoya.

14 Wan hanse tonatim momiyaptitiyaloya takam wan siwam,

ika taneltokaliste ka in Tats.

15 Kwakin kinwalikaloya kokoshkim pa in otim,

kinwalikaloya pa tapeshtim wan pa petatim pa yok kwah panoskya Petros,

hanwel kintasowaltiskya ka nitasewal inik kokoshkim.

16 Niyok walaloya yehwante mochantiloya pa inik Wepweblo' pa itenko Yerushalém,

kinwalikaloya kokoshkim wan yehwante kinpiyaloya yehyekatim kahkatsak;

wan moshte katkaloya tapahtilme.

17 In TotatsWe wan moshte yehwante ompa katkaloya inak yewal,

wan in nitamashtiliste saduseyo',

amokwal tamatiloya,

18 wan kinkitskik tatitanilme,

kintsakwak ompa pa in Wepweblo.

19 Ma yok se nitanawatilanhelTats pa in yowal kinishtap tatapolilme in kalitik kaha katkaloya tatsakwalme,

wan inik okinkisti kinmili:

20 —Shiyak,

wan shimoneshtik pa in tyopWe wan shikintakichilik masewalme mochi in taketsaliste ka in yoliliste yankwik.

21 Yok kwah okikakik in,

okalakik in tatitanilme pa in tyopWe kwah tahtaneshtiyaya wan okipewaltik tamashtilisteKwal.

Kwah o'as in,

TotatsWe inak ininnihniwan in kipalewiloya wan in tanichikolme tatakewalme yudiyo' wan moshte Abwelolme Wehwetsim pa Isra'El wan otatakewak pa kinwalikaloskya inik tatitanilme ompa kaha tsaktikatkaloya.

22 Kwah in gwacho' ompa asik kaha tsaktikatkaloya,

amo okinmitak;

kwakin walmokwepak tanawatiloya,

23 kitoloya:

—Tikitak in tatsakwal kwal tsaktikatka,

wan yehwante ompa takwitaptikatkaloya ompa moketstikatkaloya pa in tatapolme;

ma yok kwah tikishtapok,

amo'ak tikitak pa kalitik.

24 Kwah kikakik in tanawatiliste,

ininkapitan in tyopWe wan inik TotatsimWehwe motapololtiloya,

amo kimatiloya ten yewal katka in.

25 Kwakin owal se,

in yewal okinnawat:

—Shikitak inik masewalme yehwante ankintsakwak ashka kat pa in tyopWe,

kinmashtitikat masewalme.

26 Kwakin oy inikapitan gwacho inak ni'algwasilme wan kinwalikak,

tatitanilme amo ka momiktiliste,

kampa kinmakasiloya masewalme pa yeloskya tamohmotalme ka tetelme.

27 Kimani kinwalikak,

kintalik ipanta kaha tahosgaroloya in tanichikolme tatakewalme yudiyo',

wan in totatsWe kinmili:

28 —Hanwel amo antimichilik pa amo antamashtitiyaloskya ka ni'itokaliste Yehshwa.

Wan shikitak?

Moshte pa Yerushalém kimatil in tamashtilisteKwal,

wan ankinekil antishteshpawiliske ka nimikiliste in takat.

29 Kwakin kinnankili Petros wan inik tatitanilme kitoloya:

—In monek ta'ishpa kineltokaske Dyos,

kwakin shikinneltokak takwitap masewalme.

30 IninDyos towichalme okiyolti oksep Yehshwa,

in yewal anmehwante ankimiktik,

ankisalok pa se krusKwawit.

31 Ka nichikawaliste Dyos okichi kampa Yehshwa motaliskya pa nimahwaKwal,

wan okital ka se monotsalisteWe wan takistiliste pa in poliwiliste,

kampa in masewalme pa Isra'El ma kichiwak ten kwal pa kineshtiske kampa kikweptikat ininta'ilnamikiliste wan kineshtitikat kampa kikweptikat ininyolme ka Dyos ka inintachiwaliste kwahkwalme,

wan ka ta'ihniliste ka ininta'ihtakoliste.

32 Wan tehwante tihmatil kampa melawak tikitak,

wan niyok kina in EspirituSanto,

yewal Dyos okinmak moshte kishki kineltokal.

33 Wan yehwante kikakiloya hyero kwalaniloya,

wan kipewaltiloya kina kwal kinmiktiloskya.

34 Kwakin omokets ompa pa in tanichikol se ka yehwante kineltokaloya nitamatiliste in parisheyo',

yewal itokaya Gamali'El,

yewal katka se niTamashtinilme NitanawatilMoshé,

wan kimawishtililoya moshte masewalme wan otatake pa kinkistiloskya tipit in tatitanilme pa kiyawak.

35 Kwakin otakets ka yehwante kinmili:

—Nitakam Isra'El,

shitamatik kwal,

ten ankinekil ankichiwaske ka inik takam.

36 Shihilnamikik in ten opan ka in se itok Tehudas,

yewal kitowaya kampa katka se takat monotsayaWe,

wan kitokaloya kina 400 takam.

Ma yok okimiktik wan yehwante kineltokaloya mosesemanak wan yok amoten omotachi.

37 Takwitap,

owal se itoka Yudas,

in galileyo,

pa in tonatim kwah kichiwaloya tapowaliste pa moshte masewalme pa mochi kishki tal wan okichi pa kitokaloskya myak masewalme niyok okimiktik wan moshte inik kineltokaloya mosesemanak yehwante kitokatinemiloya.

38 Wan ashka annimichili in:

shikinkawak inik takam ka sewiliste.

Shikinkawak,

kampa ta in yewal kichiptikat kat hanwel pa takam,

kwakin amo wehkawas moshitinis;

39 ma yok ta in wal pa Dyos,

amokwal pa kinshitiniske;

kwakin anmehwante anmomiktitiyaske inak Dyos.

Wan moshte mokawak ka nitaketsaliste Gamali'El.

40 Kwakin kinnotsak inik tatitanilme wan kinwitekik,

wan okintakewak pa yahmo taketstiyaloskya ni'itokaliste Yehshwa;

kwakin kinmakawak.

41 Yok yehwante kisak in tatitanilme ka pakiliste kaha tahosgarol,

in tanichikolme tatakewalme yudiyo' kampa Dyos okinmakawilti pa panoloskya takokoliste ka ni'itokaliste Yehshwa-Kristo.

42 Wan hanse tonatim pa in tyopWe wan pa kalme,

amo momakawaltiloya pa tamashtiloskya wan kintakichililoya nitamashtilisteKwal Yehshwa-Kristo.