2 Ompa kipewililoya teshpawiliste,

kitoloya:

―Tikitak in takat kinkwamantikatka in masewalme.

Kitowaya amo tiktashtawilitiyaloskya in Kaysar ka nitapishkalisteTomi,

wan yewal kito kampa yewal in Kristo,

in kinek kitos,

se Rey.

3 Kimani Pilatos kitahtanili:

―Titewal in Rey ka in yudiyo'?

Yehshwa kinankili:

―Tewal tikito.

4 Pilatos kinmili kwakin TotatsimWehwe wan myak masewalme:

―Newal amo nikit ten amokwal pa in takat pa yok yes tatsakwal.

5 Yehwante kitotikatkaloya ka chikawaliste:

―Ka nitamashtiliste mo'onanaske in masewalme kipewaltitiwal pa tal Yudaya walatik pa Galileya,

astik nika.

6 Kimani Pilatos takak in,

otahtan ta yewal katka galileyo.

7 Kwah Pilatos okimat yewal katka pa nireynaroliste Herodes,

wan okititanil Herodes pa in tonatim wan niyok katka pa Yerushalém.

8 Herodes kwal tamat kwah okit Yehshwa,

kampa kinekiya kitaskya pa miyak tonatim;

kampa takakiya myak nitaketsaliste yewal,

wan kichiyaya pa kichiwaskya se taneshtiliste.

9 Herodes kitahtanili myak tahtolme,

Yehshwa amoten kinankiliyaya.

10 Niyok ompa katkaloya TotatsimWehwe wan Tamashtinilme NitanawatilMoshé,

wan kiteshpawililoya ka miyak chikawaliste.

11 Kwakin Herodes wan nigwacho' hyero kichiwililoya wan kiwetskililoya yewal,

wan kitakemiltik ka shashal kwahkwalme kina se Rey.

Kwakin Herodes kikwepil oksep Pilatos.

12 Kwah ayamo mo'asiyaya in tonat Pilatos wan Herodes mokwalanililoya mokokoliloya;

pa in tonat monotsak kwal ninihni.

13 Pilatos kinnichiko in TotatsimWehwe wan wetatakewalme wan in masewalme,

14 wan kinmili:

―Anmehwante annishwalikilik in takat,

kiteshpawilitikat kampa kipewaltiyaya ka nitamashtiliste mo'onantikat masewalme;

ma yok newal niktahtanili pa anmo'ishpa anmehwante,

wan amo nikit amoten ka in takat ka in ten kiteshpawilitikat.

15 Oniktitanil Herodes wan amo niyok yewal amoten okit pa yes takokoltili.

Ma yok,

in takat amoten okichi ten amokwal pa yes tamiktiliste.

16 Nihkokoltis,

wan kwakin nihmakawas.

17 Wan pa se ka mitotiliste,

yewal kipiyaya pa kimakawaskya se tatsakwal.

18 Wan moshte kipewaloya tsatsiliste kitoloya:

―Shikmikti in se!

wan shihmakawak BarAbas!

19 BarAbas katka tatsakwal kampa omo'onan kampa omomikti ka in Wepweblo,

wan niyok kampa otamikti.

20 Kina Pilatos kinekiya kimakawaskya Yehshwa,

oksep kinmili in masewalme;

21 yehwante wehwe tsatsiloya kitoloya:

―Shikilpik pa se kruskwawit!

Shikilpik pa se kruskwawit!

22 Pa in yey tahtoliste oksep kinmili:

―Ten amokwal okichi in takat?

Newal amo onikit ten tachiwaliste amokwal pa yok yes tamiktiliste.

Nihkokoltis,

wan hani pa nihmakawas.

23 Ma yok yehwante tsatsitikatkaloya,

kinekiloya yewal Yehshwa yeskya ta'ilpil pa kruskwawit;

Hyero tsatsiloya yehwante amo momakawaltiloya ka tsatsiliste.

24 Kwakin Pilatos tatake pa kimiktiloskya Yehshwa kina yehwante kinekiloya,

25 okimaka akyewal tahtaniloya,

yewal katka tatsakwal kampa omo'onan kampa omomikti pa Wepweblo wan otamikti,

wan otemak Yehshwa kina yehwante kinekiloya masewalme.

26 In gwacho kiwikak Yehshwa pa ki'ilpiloskya pa se kruskwawit,

pa ot kikitskik se takat itoka Shimón,

yewal walaya pa tashosholtik wan okitakewak pa kiwikaskya nikruskwawit ikwetap Yehshwa,

Shimón otakat pa in tal itok Sirene.

27 Takwitap ka Yehshwa myak masewalme,

wan myak siwam chokaloya moyolkokotikatkaloya ka yewal.

28 Yehshwa okinmit wan kinmili:

―Anmehwante siwam anmochantilme pa Yerushalém,

amo shinishchokilitiyak newal,

ma yok shichokak ka anmehwante anmoselte wan ka anmopilwam.

29 Kampa asis in tonat kampa in masewalme kitoske:

“Ma yek ka miyak pakiliste in siwam yehwante amo'ik yek nantsisti amo kipiyak piltontim pa kinchichiltiloskya.”

30 In masewalme kitahtaniske in tepetLom:

“Shiwetsik ipa tehwante”;

wan kinmiliske lom:

“Shitishtapach mochi.”

31 Kampa ta newal yewal amoten onikchi ten amokwal nishmiktil,

yok ten amo kinpanos in kichiwal ten amokwal?

32 Ka Yehshwa kiwikaloya niyok in oksek omente katkaloya ta'ishtikiyanilme pa yok yeloskya tamiktilme inak Yehshwa.

33 Kimani asik kampa ta'itok NitsontekMihki,^a

ompa ki'ilpik pa kruskwawit niyok in ta'ishtikiyanilme:

se pa nimahwakwal Yehshwa wan in okse ka nimahwamapoch.

34 Yehshwa kitowaya:

―Tats,

shikinihnil,

kampa amo kimatil ten kichiwal.

Wan in gwacho' motashilik inintonal pa motemakaloskya ika yehwante nitakemtel.

35 Kimani in masewalme tachishtikatkaloya,

in wetatakewalme kiwetskililoya yewal,

wan kitoloya:

―Kinkishti ka ininpoliwiste oksek,

ma mokishtil yoliliste isel,

ta melawak in yewal Kristo,

in nita'onanal Dyos.

36 Niyok in gwacho' kiwetskililoya yewal,

ki'asiloya wan kitenewilik nihugoUbaShokok,

37 wan kitoloya:

―Ta titewal tirey ka in yudiyo',

shimokishtil moyoliliste tewal mosel.

38 Katka se tapahwil pa se kwawitPatak ipa nitsontek tapahwil ka tahtol gereka,

latin wan hebreteko,

kitowaya:

“IN YEWAL ININWEREYYUDIYO'.”

39 Se ka in ta'ishtikiyanilme yewal ompa salotikatkaya hyero kiliyaya wan kitowaya:

―Ta titewal tiKristo,

shimokishtil mosel moyoliliste,

wan shitishkishtil toyoliliste tehwante.

40 Wan in okse oki'ahwa wan kili:

―Amo timomapti ka Dyos,

hanwel amo tipanotik niyok in takokoliste?

41 In ten tehwante ashka timoyolkokotikat,

kampa melak amokwal tikchiwak ashka titashtaptikat ka takokoliste yok kina ten amokwal otikchiwak;

in takat amoten kichi ten amokwal.

42 Wan ta'ishtikiyan kili:

―Shinishilnamik newal kimani ti'asis pa moreynaroliste.

43 Yehshwa kili:

―Melak nimichili,

kampa ashka tiyes ka newal pa nikwahmilIlwikak Dyos.

44 Katka takwalispa.

Kwakin omoka tayopti ka tatikomat ipa in tal,

yok oye kishki pa in yey ora pa tyotak.

45 In tonat waltayoway,

wan in tatahkitil weyak tilawak pa in tyopWe tsayani ipanta omochi ome.

46 Pa haniman Yehshwa wehwe tahto wan kito:

―Tats,

pa momahwam onka no'ihyo.

Wan takwitapik otam okit in,

omik.

47 Kimani in gwacho wetatakewan okit ten opan,

kitowaya tahtolme wehwe pa Dyos,

wan kito:

―Melawak,

in takat oye kwal.

48 Kwah okitak ten panowaya,

moshte masewalme yehwante kitatikatkaloya in tamiktiliste,

omokwepak ininicha hyero moyolkokotiyaloya.

49 Moshte yehwante ki'ishmatiloya Yehshwa,

wan in siwam yehwante kitokatiyaloya pa in tal Galileya,

kitatikatkaloya in ten panotikatka pa wEhka.

50 Katka se takat kwal wan kwal kimatiya kichiwaya itoka Yosé,

yewal katka se ka in tanichikol ka wehwetatakewalme.

51 Amo katka ka in taketsal ka in wehwetatakewalme niyok in ten kichiwak pa kimiktik,

in Yosé otakat pa Arimataya pa se Wepweblo Yudaya wan niyok kichiyaya in tonat kwah reynaroskya Dyos.

52 Yok panoti oy okit Pilatos wan okitahtan nikwerpo Yehshwa.

53 Kimani okitemowik pa nikruskwawit,

haniman okilyar pa se shahsal yankwik wan kital kahakoyonkeTeshkal,

kaha ayamo'ok kitaliloya se mihki.

54 Katka in tonat pa motayokshitililoya masewalme pa Isra'El kampa mostatik amo motikipanowaya in tonatmosewilyudiyo.

55 Kitokatiyaloya Yosé in siwam yehwante kitokatiwalaloya pa Galileya Yehshwa,

oyak kitak in kahakoyonkeTeshkal wan kitak kina okitalik nimihki.

56 Kwakin mokwepak pa ininicha,

pa kichiwaloskya kwal ahwiyalme wan kishawililoskya nimihki,

wan mosewik pa nitonatmosewilyudiyo,

kina kito NitanawatilMoshé.