Yehshwa ni'ishpa Pilatos
(Mt. 27:1-2, 11-14; Lk. 23:1-5; Yh. 18:28-38)
15
Kwah tanes,
wan hani monichikok inik TotatsimWehwe wan Abwelolme Wehwetsim,
wan Tamashtinilme NitanawatilMoshé wan moshte inik kaha tahosgaroloya in tanichikolme tatakewalme yudiyo'.
Kiwikak Yehshwa ki'ilpik wan kimakak Pilatos.
2 Pilatos kitahtanili:
―Tewal ininWeReyYudiyo'?
―Yehshwa kinankili:
Tewal tikito.
―Amoten titanankili?
Shikit kina mishteshpawilitikat ka myak chikawaliste.
5 Wan Yehshwa amo tanankil;
motapolowaya miyak Pilatos.
Kitoloya kampa Yehshwa kipiyaskya pa mikiskya
(Mt. 27:15-31; Lk. 23:13-25; Yh. 18:38-19:16)
6 Pa in mitotiliste Pilatos kimakawaltiyaya se tatsawal,
kati masewalme kinektiyaloskya.
7 Katka se itoka BarAbas,
katka tatsakwal ka ininnihniwan nahyehwante momiktik ka gwacho' romano' wan kinmiktik masewalme.
8 Kwah myak masewalme yak,
kitahtanik Pilatos pa kichiwaskya yok kina kimatiya kichiwaya.
9 Pilatos kinnankili:
―Ankinekil pa annimishmakawiltis ininWeReyYudiyo'?
10 Kimatiya Pilatos kampa TotatsimWehwe kitemakaloya kampa kikokoliloya.
11 Wan TotatsimWehwe kinchiwaltik myak masewalme pa kitahtaniloskya Pilatos pa kimakawaloskya BarAbas.
12 Pilatos kintahtanili:
―Wan ten ankinekil nikchiwilis yewal anmehwante kilil ininWeReyYudiyo'?
13 Wan yehwante tanankilik ka tsatsiliste:
―Shikilpik pa se kruskwawit!
14 Pilatos kinmili:
―Ten amokwal okichi?
Ma yok yehwante ka chikawaliste tsatsiloya:
―Shikilpik pa se kruskwawit!
15 Kwakin Pilatos kinmakawil BarAbas;
pa kinpakiltiskya masewalme wan otatake pa kiwihwitekiloskya Yehshwa,
wan kitemak pa ki'ilpiloskya pa kruskwawit.
16 In gwacho' kiwikak kalitik pa nipatyo nikalGobernador,
wan kinnichikok mochi Igwacho'.
17 Wan kitakemiltik Yehshwa ka se shashal morado,
wan kichiwilik se yawaltik wiste wan kitalilik pa nitsontek.
18 Kwakin kitahpaloloya:
―Ma yol ininWeReyYudiyo'!
19 Kiwitekiloya pa itsontek ka se otat,
kichihchaloya,
kitankwaketsaliloya pa ni'ishpa.
20 Yok tamik kiwetskilik,
kwakin kikishtilik nitakemtel morado kitakemiltik ka nitakemtel.
Wan ompa kikishtik pa kisaloloskya pa nikruskwawit.
Yehshwa ki'ilpik pa kruskwawit
(Mt. 27:32-44; Lk. 23:26-43; Yh. 19:17-27)
21 Wan okitakewak se yewal panowaya yewal mochantiyaya pa Kirene,
itoka Shimón,
yewal nitats Alesandros wan Rupus,
kampa walaya pa in tashosholtik;
kimamaltilik nikruskwawit Yehshwa.
22 Yok okiwikak Yehshwa kaha ta'itok Golgota,
in kinek kito nitsontek mihki.
23 Kimakak pa koniskya nihugoUbaBino inak se chichik itok mirra,
wan Yehshwa amo okon.
24 Kwah ki'ilpik pa kruskwawit;
kichiwak ten itonal kipiyaloskya ka nishashasalme Yehshwa,
pa kimatiloskya ten motakawililoskya sesen in gwacho'.
25 Kwah ki'ilpik pa kruskwawit katka chiknawi ora pa watsinko.
26 Wan takwihkwilok pates katka tateshpawiliste wan in takwihkwiloliste kitowaya:
“IninWeReyYudiyo'.”
27 Wan ka yewal niyok ki'ilpik pa kruskwawit ome ta'ishtikiyanim,
se katka pa nimahwakwal wan okse pa nimahwamapoch.
28 Yok omonamik nitakwihkwilolisteDyos yewal kito:
“Wan yok tapowal yes ka inik amokwal kichiwal.”a
29 Yehwante panoloya hyero kililoya,
ki'oliniloya inintsontek kililoya:
―Aaah!
Tewal in takat yewal kito nikinshitinilis nityopWe kwah panos yey tonatim nikalchiwas oksep,
30 shimokishtil moyoliliste tewal mosel wan shitem pa in kruskwawit.
31 Yok niyok kiwetskililoya,
in TotatsimWehwe mo'ililoya sek ka oksek ka Tamashtinilme NitanawatilMoshé:
―Okinkishti oksek,
ma yok amo mokishtili isel.
32 Ta in Kristo,
in weRey pa Isra'El,
ma tem pa in nikruskwawit,
yok tikitaske wan tihneltokaske.
Wan niyok hyero kililoya yehwante salotikatkaloya pa kruskwawit ka yewal.
Yehshwa omik
(Mt. 27:45-56; Lk. 23:44-49; Yh. 19:28-30)
33 Pa takwalispa,
waltayoway pa mochital wan yok omoka pa yey ora'.
34 Wan pa yey ora' pa tyotak Yehshwa tsatsi ka chikawaliste kito:
―Elohi,
Elohi!
Lama sabaktani?
―Kinek kito:
NoDyos,
noDyos,
Pates otinishka?
35 Kwah kikakik sek yehwante ompa katkaloya,
kitoloya:
―Shihkakik,
kinostik EliYah.
36 Kwakin motaloti se,
okipaltil ka nihugoUba chichik,
ka se pochinki okital pa se otat kitehkolti kimak pa koniskya,
kitowaya:
―Shihkawak;
ma tikitak ta EliYah walas kitemowis.
37 Kwakin Yehshwa tsats ka chikawaliste,
wan omik.
38 Kwakin in tatahkitil weyak tilawak pa in tyopWe tsayani ipanta omochi ome,
takpak waltsayan o'as tatsinta.
39 In we tatakewan gwacho' moketstikatka pa'ishpa yewal kitatikatka kina tsatsi Yehshwa,
wan omik,
kwakin kito:
―Melak in takat katka nikonDyos.
40 Niyok sek siwam tachishtikatkaloya wEhkit;
yehwante katkaloya Marya in siwat takati pa Magdala,
Marya yewal katka ninantsi Yakobo yewal tipichi wan Yosé,
wan Salomé,
niyok ompa katkaloya oksek siwam ka yehwante.
41 Inik siwam nehnemtinemiloya wan kitikipanoliloya Yehshwa,
kwah katka pa Galileya.
Wan katkaloya oksek myak siwam,
yehwante yaloya inak yewal pa Yerushalém.
Yehshwa kitapachok
(Mt. 27:57-61; Lk. 23:50-56; Yh. 19:38-42)
42 Kwah tapohpoyapti,
in tonat kampa katka nitayokshitiliste,b
in kinek kito,
kampa mostatik amo motikipanowaya in tonatmosewilyudiyo,c
43 Yosé yewal katka pa in pweblo Arimataya ka in wehwetatakewalme yewal niyok kichishtikatka nireynarolisteDyos,
oy kaha Pilatos amo momaptiyaya pa kitahtanis nimihki Yehshwa.
44 Pilatos motapololti kwah kimat,
kampa Yehshwa miki,
wan tatake okinotsak pa walaskya in wetatakewan gwacho' yewal o'as ka Pilatos okitahtanil ta melak omik Yehshwa.
45 Kinankili in wetatakewan gwacho' kampa omik.
Kwakin Pilatos kikawili Yosé,
ma kiwik nimihki Yehshwa.
46 Wan Yosé okiko se shashal wan okitemo nimihki Yehshwa,
okilyar pa shashal.
Wan kitali kahakoyonkeTeshkal,
kimihmilo se tet ka kitsakwa kahakoyonkeTeshkal.
47 Wan Marya in siwat takati pa Magdala,
wan Marya ninantsi Yosé,
tachishtikatkaloya kaha kitaliloskya nimihki Yehshwa.