Yehshwa oyol oksep
(Mt. 28:1-10; Lk. 24:1-12; Yh. 20:1-10)
16
Kwah opan in tonatmosewilyudiyo,
Marya in siwat takati pa Magdala,
Salomé wan Marya ninantsi Yakobo,
kikowak aseyte kwal ahwiyalme yaloya kishawililoya nimihki Yehshwa.
2 Katka watsinkit,
in tonat kipewalti ta'ishpa yewal chikomeTonatim wan oyak yehwante asik kaha kintapachol mihmihki,
kwah kistiwalaya tonat.
3 Yehwante pa ot mo'ilitiyaloya:
―Ak tishmihmilo'ili in tet ka tatsakwal kahakoyonkeTeshkal?
4 Ma yok tachiyak,
kitak tamihmilol in tet,
yewal hyero we.
5 Kwah kalakik kahakoyonkeTeshkal,
kitak se takatYankwik yowatikatka pa nimahwakwal,
katka tatakemiltili ka se takemtel istak weyak;
wan yehwante momaptik.
6 Ma yok yewal kinmili:
―Amo shimomaptik;
ankitemotikat Yehshwa in nasareteko,
yewal ki'ilpik pa kruskwawit.
Oyol oksep;
amo nika onka.
Shitachiyak kaha kitalik.
7 Shiyak wan shikinmilik nimoneshtililme,
wan Petros:
“Yewal anmishchishtiyas anmehwante pa Galileya ompa ankitaske,
yok kina kitowaya.”
8 Kwakin siwam kisak pa in kahakoyonkeTeshkal,
motalotiyaloya kampa momaptitiyaloya,
moyoyokatiyaloya.
Amo'ak amoten kinawatik pates momaptitiyaloya.
Yehshwa moneshti ka Marya in siwat takati pa Magdala
(Yh. 20:11-18)
9 Kwah oksep yoliyaya Yehshwa pa watsinko in tonat kipewalti ta'ishpa yewal chikomeTonatim,
omoneshti yewal ta'ishpa pa Marya in siwat takati pa Magdala,
yewal okinkishtil chikome niyehyekat tawalilot.
10 Wan in siwat oy kinmashti yehwante nehnemtinemiloya inak Yehshwa,
kampa katkaloya moyokoltitikatkaloya wan chokatikatkaloya.
11 Kimani yehwante kikakik kampa Yehshwa yoltikatka,
wan Marya okit,
amo kineltokak.
Yehshwa moneshti ka in ome nimoneshtililme
12 Hani takwitap,
Yehshwa amoyok omoneshti ka in omente nimoneshtililme yaloya pa ot kaha tashosholtik.
13 Yehwante oyak wan kinmashtik oksek;
wan niyok amo kineltokak.
Yehshwa okintetan pa yaloskya pa mochital in tatitanilme
(Mt. 28:16-20; Lk. 24:36-49; Yh. 20:19-23)
14 Kwah opan in kwakin omoneshti Yehshwa ka in 11,
yowatikatkaloya kaha takwal;
wan okinahwa kampa amo taneltokaloya kampa ininyolme kipiyaloya chikawaliste,
kampa amo kinneltokaloya nahyehwante kitak kampa yoltikatka.
15 Wan kinmili:
―Shiyak pa mochi kishki tal,
shikinmilik tamashtilisteKwal pa mochi yoliliste.
16 Aki taneltok wan yes takwatekil,
yok yes takishtiliste;
wan aki amo taneltoka,
yes tateshpawiliste.
17 Wan inik taneshtiliste kitokaske yehwante taneltokal:
Ka no'itokaliste kinkishtiliske niyehyekatim tawalilom;
tahtoske ka oksek tahtolme;
18 kinketskiski kowam ka ininmahwam,
wan ta konik ten tatawanti,
amo kinkokolti;
wan kintaliliske ininmahwam pa kokoshkim wan inik kokoshkim pahtiske.
Yehshwa tehko pa takpakIlwikak