In yewal kichiwak tanawatilme ka Yehshwa-Kristo
In tahtol melawak ka in EspirituSanto
1
Tasotili Te'óPilos,
pa no'amatTakwihkwilol in ta'ishpa,
onihkwikwil in yewal okipewalti pa okichi Yehshwa wan okimashti,
2 ma yok ipa in tonatim kimani omowik pa in takpakIlwikak,
pa kimani otam okinmil nitahtolmeDyos nitatitanilme ka in EspirituSanto,
yehwante yek ta'onanalme.
3 Kwah opan Yehshwa nitakokoliste wan omik,
omoneshti yolki ka miyak taneshtiliste kampa melak kimatiloya kampa yoliyaya,
pa 40 tonatim moneshtiyaya ka yehwante wan kintakichili kina Dyos reynarowaya.
4 Kwah katkaloya inak,
okintake yehwante pa amo kisaloskya pa Yerushalém,
hanwel kichiyaloskya nitateniwiliste in TATS,
yewal newal annimishtakichili.
5 Kina ankimatil Yuhanes takwatekiyaya ka at,
han amo wehkawas pa inik tonatim anmehwante anyeske takwatekilme ka EspirituSanto.
Yehshwa takis pa in takpakIlwikak
6 Kwakin inik nichikotikatkaloya inak yewal kitahtanilik:
—Tats,
ashka o'as in tonat pa tikinmakawas in tal Isra'El pa reynaros isel total oksep kina takatkaya ya wehkA?
7 Wan Yehshwa kinnankili:
—Hanwel Dyos kipi chikawaliste pa kitalis in tonat wan shiwit wan anmehwante amo ankipiyal pa ankimatiske;
8 ma yok kimani walas in EspirituSanto ipa anmehwante,
pa ankonanaske chikawaliste.
Anyeske notanawatilme pa Yerushalém,
pa mochi in tal Yudaya wan pa mochi in tal Samarya,
wan pa kishki mochital.
9 Kwah otam okinmil in,
yehwante kitatikatkaloya kwah mo'ahkoktiyaya Yehshwa wan ye tanamikil ka se ayawit,
yewal okitsakwil yahmo okitak.
10 Kwah tachishtikatkaloya pa in takpakIlwikak wan kitatikatkaloya kina mo'ahkoktiyaya,
ome takam takemtikatkaloya ka shashalme ihistak moneshtik inak yehwante,
11 wan kinmilik:
—Masewalme galileyo',
pates anmokawal antachishtikat pa in takpakIlwikak?
In Yehshwa yewal,
omo'ahkok pa in takpakIlwikak,
walas oksep yok kina ankitak opanoti.
Kitahtoltil Matyas pa kichiwas nitekipanoliste Yudas
12 Kwakin inik tatitanilme kisak pa in tepetLom itok Oliwo',
wan mokwepak pa Yerushalém,
kampa yok hanwel katka pa nihnemiloskya se kilometro,
yok kitowaya pa NitanawatilMoshé pa in se tonatmosewilyudiyo.
13 Kimani asik pa Yerushalém kalakik pa in kal,
tehkok kaha mochantiloya yehwante katkaloya.
Petros wan Yakobo,
Yuhanes,
André'as,
Pilipos,
Tomás,
BarTolomay,
Matayos wan Yakobo nikon Halpayos niyok katkaya Shimón,
kitokaltiyaloya yewal kananeyo,
katka pa se tanichikol kananeyo,
wan Yudas ninohni Yakobo.
14 Moshte yehwante hanse kitahtaniloya Dyos,
inak siwam,
in Marya ninantsi Yehshwa wan niyok katkaloya ompa ninohniwan Yehshwa.
15 Pa inik tonatim Petros omokets ipanta kaha katkaloya inik taneltokaloya pa Dyos,
yehwante katkaloya kina 120 wan Petros kinmili:
16 —Nonohniwan taneltokalme,
kipiyaya pa tamiskya motachiwaskya in yewal kikwihkwilo in weRey Dawid ya wehkA,
yewal kito in EspirituSanto ika in Yudas,
yewal okinwik melahka pa kikitskiloskya Yehshwa.
17 Yudas ye se ka tehwante,
wan tekipanowaya tonawak.
18 [Ka in kishki kitashtawilik ka in ten okichi ten amokwal Yudas omokowil se kwahmil;
ompa owets ka itsontek,
wan okwepon nipansa wan kopinik mochi nitripaa].
19 Kwah kimatik moshte yehwante mochantiloya pa Yerushalém,
kitokayoltik in kwahmil HakélDama,
ka inintahtol aramteko in kinek kili ikwahmil yEste.
20 Kampa yok onka takwihkwiloli pa ni'amattakwihkwilol in Salmo' kito:
Ma ye takawal nikal,
wan amo'ik mochanti amo'ak ompa.
Wan niyok onka takwihkwilol:
Ma tikipan okse kaha yewal tekipanowaya.b
21 ’Moteshmonek in ka inik yehwante mochi tonatim nehnemtinemiloya inak in Tats Yehshwa pa kishki oye ka tehwante,
22 pa kimani Yuhanes okipewalti takwatekiliste wan pa in tonat kimani Tats otakis pa in takpakIlwikak.
Niyok monek,
pa taketsas ka tehwante kampa melak Yehshwa oyol oksep.
23 Kwakin kintenewak omente pa kipiyaloskya nitekipanoliste:
Yudas,
yehwante katkaloya Yosé BarSabás,
niyok itokaya Yustus,
in okse itoka Matyas.
24 Wan kitahtoltiloya Dyos kitoloya:
—TATS,
tewal tikinishmat moshte ininyolme,
shitishneshtil ashka kati ka in omente takam tewal tikonanas
25 pa kichiwaskya nitekipanoliste kina tatitanil yewal Yudas okika,
pa yaskya kaha moteshmonekya.
26 Kwakin okichiwak mawiltiliste pa ak itonal yeskya,
wan in owets pa Matyas,
wan pa in tonat ye tapowal ka in onse tatitanilme.