Dyos okiwaltitan in EspirituSanto
2
O'as in tonat itok Pentekostés,a
katkaloya yehwante moshte pa se kal.
2 Pa haniman omokak kina se yehyekat chikawak,
walaya pa in takpakIlwikak,
wan mokakiyaya yehyekat kalitik kaha yowatikatkaloya pa in kal.
3 Kwakin nesik ka yehwante sek taptiwalaloya kina sek teshoshtim tipichim,
mosesemanak wan mokawak ipa sesen yehwante kishki ompa katkaloya.
4 Wan moshte oyek tatimiltilme ka in EspirituSanto,
wan yehwante okipewak tahtolme ka oksek tahtolme,
kina in EspirituSanto kinmakaya pa tahtoloskya.
5 Pa inik tonatim mochantiloya pa Yerushalém yudiyo' taneltokaloya miyak pa Dyos walaloya pa mochi in talme pa kaha han.
6 Kwah kikakiloya in takomonaliste,
monichikok myak masewalme wan mo'itatikatkaloya ka tamaptiliste kampa kinkakiloya taketsaloya kina tahtoloya sesen.
7 Momaptitikatkaloya wan mo'itatikatkaloya,
wan mo'ilitikatkaloya:
—Shikitak.
Amo moshte inik masewalme kat galileyo',
yehwante taketstikat?
8 Kina haniman,
tikinkakil in tahtol pa sesen yehwante ka totahtol yok kina titahtol?
9 Nika kat sek mochantilme pa in talme Partya,
Medos,
wan Elam.
Sek kat yudiyo' yehwante pa MesoPotamya,
Yudaya wan niyok Kapadokya,
Pontos wan AsíYah,
10 kat niyok in mochantilme pa in talme Perígya,
Panpilya,
wan pa Egipto,
niyok pa in tepetLom Libya ompa pa itenko in tal itok Kirene.
Niyok nika kat inik mochantilme pa in Wepweblo' Roma.
11 Sek kat yudiyo',
pa kimani takatik wan oksek yehwante amo takatik yudiyo',
timochiwak masewalme tiktankwaketsalil Dyos kina yudiyo'.
Sek timochantil pa Keréta wan pa in tal Arabya;
ma yok tikinkaktikat inik galileyo' taketstikat ka totahtolme mochi sesen kina tehwante,
inik tachiwaliste wehwe kat yewal Dyos kinchi.
12 Moshte yehwante motapololtiloya wan amo kimatiloya ten kitoloskya,
motahtanililoya:
—Ten kinek kitos in?
13 Wan oksek kinwetskililoya wan kitoloya:
—Yehwante tawantikat.
Petros kintakichili masewalme
14 Kwakin omokets Petros ka in onse tatitanilme,
okintakichil in masewalme ka wehwe,
kinmiliyaya:
—Masewalme yudiyo' wan moshte inik mochantilme pa Yerushalém,
shihmatik in,
shihkakik notahtolme in ten annimichilis.
15 Kampa inik amo tawantikat,
kina ankitotikat anmehwante,
kampa hyero kwalka ka chiknawi ora watsinko.
16 Amo in yewal ankitatikat,
in panotik yewal kito ya wehkA in niTaketsal nitahtolDyos YoEl:
17 Dyos kito,
pa in tonatim kimani ya tamtiwalas in mochital,
nikinmakas moshte masewalme no'Espiritu;
wan inik anmopilwaTakam wan anmopilwaSiwam anmehwante antaketsaske nitahtolDyos,
wan in masewalme yahyankwik tachishtiyaske kina tatimiktiyaloskya,
wan niyok in Abwelolme tatimikiske.
18 Melak ipa in tonat nikinmakas no'Espiritu ipa notekipanolmeTakam wan notekipanolmeSiwam,
wan taketsaske nitahtolmeDyos.
19 Wan newal nikinneshtilis notapololtiliste pa in takpakIlwikak,
wan kinchiwaske taneshtiliste ka chikawaliste pa in talTatsinta:
yeske yEste wan teshoshte wan nitolnamikil pokte.
20 In tonat yahmo tawis,
in meste mochiwas chichiltik kina yEste,
kwah ayamo asis in TATS,
in se tonat yes we ka tawiliste wan chikawaliste.
21 Wan moshte kishki kinotsaske ka ni'itokaliste in Tats yewal mokistilis niyoliliste.
22 ’Nimasewalme isra'elita',
shihkakik inik tahtolme:
Yehshwa,
in nasareteko,
ye se takat yewal Dyos okiwaltitan.
Wan yok Dyos anmishneshtil anmehwante ka tachiwaliste wehwe wan annimishneshtil tapololtiliste wan taneshtiliste,
ka chikawaliste kina anmehwante ankimatil.
23 Yok katka pa kimani ye ipewaliste mochiten,
Dyos okital pa panoskya Yehshwa yolkokoliste wan kitemakak ka in kikokoliloya ka in masewalme amo taneltokaloya pa Dyos,
yewal ankimiktik pa se kruskwawit.
24 Yehshwa moyokolti ka in mikiliste,
ma yok Dyos okimakawalti;
okiyolti kampa in mikiliste amokwal pa kitsakwiliskya.
25 Kampa toweRey Dawid,
kito ipa Yehshwa:
Nikitaya in Tats hanse pa no'ishpa newal;
yewal onka pa nomahwaKwal,
pa nishpalewiskya pa amo niyeskya tatsehtselol.
26 Kampa yok noyol kwal tamat,
wan nokamak kantarowaya ka miyak pakiliste.
Nokwerpo mochistiyas ka sewiliste;
27 kampa amo tihmakawaltis kampa noyoliliste mokawas ta'ilkawal pa in Hades,
wan amo tihmakawaltis pa palanis nikwerpo moTikipanol ta'onanal in niyol chipawak.
28 Tinishmashti pa nikinishmatiskya in otim pa in yoliliste,
tinishmakawiltis pa nikpiyas miyak pakiliste inak tewal pa mo'ishpa.
29 ’Nonohniwan,
shinishkawak ma nitahto ika tonohni weRey Dawid yewal yoliyaya ya wehkA.
Newal annimichili ka tahtol melawak,
Dawid in weRey omik wan kitapachok,
wan yewal tapachotik kaha koyonkeTeshkal ka tomihmihke kaha tehwante nika ashka.
30 Ma yok,
in weRey Dawid ye se niTaketsal nitahtolDyos,
wan kimatiya kampa Dyos kitenewiliyaya ka se tahtol melawak pa reynaroskya se nikolinche.
31 Wan Dawid,
kimatiya kampa yoliskya oksep in Kristo kampa amo yeskya ta'ilkawal pa in Hadesb wan amo palaniskya ninakayo.
32 In Yehshwa,
Dyos okiyolti oksep wan moshte tehwante tihmatil kampa melawak tikitak.
33 Yok yewal oye ta'ahkokil wan ashka yowatik pa nimahwaKwal Dyos,
in TatsDyos okimak in EspirituSanto in yewal kitenewili melawak;
Yehshwa otishtikil ipa tehwante,
in yewal anmehwante ankital wan ankikakil ashka.
34 Kampa Dawid in weRey amo takis pa in takpakIlwikak;
ma yok yewal kito:
Dyos in TATS kili noTats:
“Shimotal pa nomahwaKwal,
35 pa kimani newal nikintalis itsinta mo'ikshiwam pa moshte kishki mishkokolil ipa yehwante tinehnemis.”
36 ’Kampa shihmatik moshte masewalme pa Isra'El kampa in Yehshwa,
in yewal anmehwante ankisalok pa in kruskwawit,
yewal Dyos okichi pa yes in Tats wan Kristo.
37 Kwah kikakik in,
moshte hyero tamatik kinkokowaya miyak ininyolme,
wan kitahtanilik Petros wan in oksek tatitanilme:
—Tonohniwan taneltokalme,
kwakin ten tikchiwaske?
38 Petros kinnankili:
—Shihkawak anmota'ihtakoliste wan shihkwepak anmoyol pa Dyos kina kinek,
wan shimokwatekik pa sesen anmehwante ka ni'itokaliste Yehshwa-Kristo,
pa yok Dyos anmishpohpowas anmota'ihtakoliste;
wan anmishmakas in EspirituSanto kina temakaliste.
39 Kampa ka in tahtol melawak anmishchiwili anmehwante wan pa anmopilwam,
wan niyok pa moshte yehwante mochantil wEhka;
in kinek kitos pa moshte kishki yehwante in Tats toDyos kinnotsas.
40 Wan ka in oksek tahtolme,
Petros kintahtaniyaya kina monek pa yoliloskya wan kinmiliyaya:
—Shimokistik ka in poliwiliste ka yehwante kichiwal in ten hyero amokwal.
41 Yok yewal,
aki yehwante taneltokak ka in tahtolme oyek takwatekilme,
pa in tonat miyak taneltokak kina yey mil masewalme.
42 Wan moshte kichiwaloya in yewal ten kimashtiloya inik tatitanilme,
moshte mochantiloya kina ininnohniwan,
monichikoloya pa kikwaloskya pan pa ki'ilnamikiloskya in TATS wan kitahtaniloya Dyos hanse tonatim.
Kina mochantiloya yehwante taneltokaloya pa Kristo
43 Moshte masewalme momaptiloya,
ka in myak tachiwaliste wehwe wan in kinneshtilis tapololtiliste wan taneshtiliste ka chikawaliste ika inik tatitanilme yewal kichiwaloya.
44 Moshte yehwante taneltokaloya katkaloya pa se tanichikoliste wan motemakaloya ten kipiyaloya yehwante;
45 kinnamakaloya inintalme wan mochiten tapiyaloya,
wan kinmakaloya tomi kishki kinteshmonektiya pa sesen.
46 Hanse tonatim monichikoloya pa in tyopWe,
wan pa inik kalme kisheloloya pan wan takwaloya moshte ka pakiliste wan amo we tamatiloya pa ininyolme.
47 Kitoloya tahtolme wehwe pa Dyos,
wan kipiyaloya ta'ihniliste moshte masewalme;
hanse tonatim in Tats kinmiyaptiyaya yehwante taneltokaloya kaha monechikoloya yehwante mokistililoya ininyoliliste ka ininta'ihtakoliste.