Tapahtil se yewal amo nehnemiyaya pa nitatapoli in tyopWe
3
Petros wan Yuhanes kisaloya pa in tyopWe pa in yey ora' pa tyotak,
katkaya in ora kwah kitahtoltiloya Dyos.
2 Katkaya ompa se takat amo nehnemiyaya pa kimani otakat.
Hanse tonatim kiwikaloya wan kiwalikaloya kaha nitatapoli in tyopWe yewal itokaya KwalNes,
pa kintahtaniskya tomi yehwante ompa kalakiloya pa in tyopWe.
3 Kwah okinmit yewal Petros wan Yuhanes,
kalaktiyaloya pa in tyopWe,
kintahtaniyaya pa kimakaloskya tomi.
4 Petros inak Yuhanes kitatikatkaloya,
melahka pa nishtololwam in takat wan kilik:
—Shitichit.
5 Kwakin omoka kinmitatik in takam,
kichishtikatkaya ta kimakaloskya tomi yehwante.
6 Wan Petros kito:
—Amo nikpi tomi ka plata wan tomi ka oro,
ma yok in ten nikpi nimishmak:
Ka ni'itokaliste Yehshwa Kristo in nasareteko,
shimokets wan shinehnem.
7 Kwakin Petros okikitski nimahwakwal in takat wan okikets,
haniman mochikawiltik ni'ikshiwam wan ninkarapochim.
8 Wan otsikwin omokets ka ni'ikshiwam,
wan nehnemiyaya.
Wan okalak inak yehwante pa in tyopWe,
nehnemiyaya tsikwiniyaya wan kiliyaya tahtolme wehwe pa Dyos.
9 Wan moshte in masewalme kitak nehnemiyaya wan kiliyaya tahtolme wehwe pa Dyos,
10 wan ki'ishmatiloya kampa yewal katkaya in motaliyaya pa in tyopWe nitatapoli itok KwalNes,
yewal tahtaniyaya tomi,
wan hyero motapololtiloya wan momaptiloya ka in ten panowaya.
Petros kintakichiliyaya inik masewalme kaha mosewiloya pa itatapoli Salomón
11 In takat yewal tapahtil katka amo kinkawaya Petros wan Yuhanes,
moshte masewalme,
motapololtiloya,
motaloloya ompa kaha ta'itokaya Salomón,
kampa yehwante katkaloya.
12 Kimani Petros okinmit,
kinmili:
—Nimasewalme Isra'El,
ten yewal anmishtapololti?
Pates antachishtikat kina ta tehwante tikchiwak ka topoderoliste in takat pa nehnemiskya?
13 IninDyos AbRaham wan Itsak wan Yakob yewal ininDyos towichalme,
yewal okimak tanotsalisteWe akyewal nitekipanol nita'onanal in Yehshwa,
aki anmehwante amo ankinekik wan ankitemakak i'ishpa Pilatos,
pa kimani Pilatos kitowaya pa yeskya tamakawal.
14 Anmehwante amo ankinekik in Chipawak wan kwal kimat kichiwaya,
pa yeskya tamakawal anmehwante antahtanik pa anmishmakawaltiloskya se tamiktiyan.
15 Anmehwante ankimiktik in Kristo yewal temakaya yoliliste.
Ma yok Dyos okiyolti okikisti kaha kat in mihmihke,
tehwante tihmatil kampa melawak tikitak.
16 Wan ka nitaneltokaliste ka ni'itokaliste Yehshwa,
in takat yewal anmehwante ankitatikat wan anki'ishmatil wan ka nitaneltokaliste.
Yehshwa onka tapahtil kina moshte ankitatikat.
17 ’Wan ashka nonohniwan taneltokalme,
newal nihmat kampa anmehwante amo ankimatiloya ten ankichiwaloya wan niyok yehwante reynaroloya.
18 Ma yok,
Dyos okichi kina yewal okital pa panoskya,
yok kina taketsaloya moshte Taketsalme nitahtolmeDyos:
in kinek kito kampa niKristo Dyos panoskya takokoliste.
19 Ashka yok,
shihkwepak anmoyol pa Dyos,
pa yok mota'ihtakoliste mokawas ka ta'ihniliste,
20 kwakin in TATS,
kiwaltitanis ka inik tonatim yewal okital yeshke in tonatim ka tapahtiliste wan yankwiliste wan kiwaltitanis in Kristo yewal okonan,
in yewal Yehshwa.
21 In monek yewal kipiyas pa mokawas pa in takpakIlwikak pa kimani in tonat kwah kinyankwikili mochiten,
yok kina kitoloya ka ininkamak nita'onanalmeDyos ya wEhka ka in Taketsalme nitahtolmeDyos.
22 Kampa Moshé kito:
“In TATS anmoDyos anmishtitanilis se niTaketsal nitahtolDyos yewal nesis pa anmopweblo yok kina newal yes niTaketsal nitahtolDyos anmehwante,
ankichiwaske mochi kina yewal anmichilis,
23 ta ak ka anmehwante amo kichi kina kito in niTaketsal nitahtolDyos,
yahmo tapowal yes pa nimasewalme Isra'El.”
24 ’Kampa moshte niTaketsalme nitahtolmeDyos,
pa kimani okipewalti tahtol SamuEl in taketsaloya moshte yehwante ten panoskya pa inik tonatim.
25 Anmehwante ankipiyal takawaliste niyok,
ankat ininpilwam in niTaketsalme nitahtolmeDyos wan in taketsalisteYankwik yewal okichi Dyos ka towichalme,
Dyos kili AbRaham:
“Mokolinchim yeske tamashtinilme moshte mochantilme pa in mochital.”
26 Kimani Dyos okiyolti nikon,
anmishtitan pa ta'ishpa,
anmehwante pa anyeloskya tamashtilme wan pa sesen pa anmehwante yahmo ankichiptiyaloskya takokoliste.